26.4 C
Batangas

“Pagkain, Transportasyon, at Komunikasyon”, mensahe ni Imee Marcos sa mga Batangueño

Must read

- Advertisement -

NASUGBU, Batangas — IBINIDA ni Ilocos Norte governor Imee Marcos sa pagdiriwang ng ika-74 na Liberation Day ng Bayan ng Nasugbu at Centennial plus Four o ika-104 na taong pagkakatatag ng Bayan ng Lian nitong Huwebes, Enero 31,ang ilang mga ninanais na programa sa mga usapin ng pagkain, transportasyon at komunikasyon na may kinalaman sa Lalawigan ng Batangas.

Sa naging panayam kay Marcos, unang binigyang-pansin nito ang pagkakaroon ng reporma sa agrikultura kung saan ang gobyerno ang bibili ng mga agricultural commodities at magbebenta sa mga mamamayan nang walang tubo.  Sa ganitong paraan ay magkakaroon ng suplay ng may mas mababang presyo o halaga.

Medical Mission para sa Nasugbu Liberation Day. Nakiisa ang Pamahalaang Panlalawigan ng Batangas, sa pangunguna ni Governor Dodo Mandanas, sa pagdiriwang ng 74th Nasugbu Landings and Liberation Day ng Munisipalidad ng Nasugbu. Nagkaroon ng medical mission ang Provincial Health Office (PHO), kasama si PHO Dept. Head, Dr. Rosvilinda Ozaeta (kanan), sa Apacible Memorial District Hospital para sa mga kababayan sa nasabing bayan, kung saan naging bisita rin si Ilocos Norte Governor Imee Marcos.|Kuha ni Jhun Jhun de Chavez

Sa usapin ng transportasyon, hindi lamang umano ang Kalakhang Maynila ang nakararanas ng matinding trapiko kundi pati na rin ang Batangas, kaya nais niyang pagtuunan ng pansin ang pagsasaayos ng public transport.  Kailangan din aniya ang pagbubukas ng ibang telecommunication companies upang magkaroon ng mas maayos na kumpetisyon at makapagbigay ng magandang serbisyo.

Binigyang-diin din niya ang pag-ibayo ng pagpaplano para mapaunlad pa ang kaalaman sa environmental at coastal management, partikular sa bahagi ng Matabungkay Beach sa Lian, at ang pagkakaroon ng hiwalay na departamento para sa mga Overseas Filipino Workers upang mas matugunan ang mga pangangailangan ng mga ito sa kalusugan, hanapbuhay at problemang ligal.

Centennial plus Four ng Lian. Kasama ang isang grupo ng mga guro, nakisaya si Batangas Gov. Dodo Mandanas sa pagdiriwang ng Centennial plus Four o ang ika-104 na Taong Pagkakatatag ng Munisipalidad ng Lian, Batangas, Enero 31. Nakiisa ang Pamahalaang Panlalawigan ng Batangas sa programa sa nasabing bayan, sa pangunguna ni Mayor Isagani Bolompo.|Kuha ni Jhun Jhun de Chavez

Suportado rin ni Governor Marcos ang isinusulong na People’s Initiative, na pinangungunahan ni Batangas Gov. Dodo Mandanas, na mas magpapalakas at magpapatibay sa lokal na otonomiya.|May ulat ni Mark Jonathan M. Macaraig

- Advertisement -
- Advertisement -

More articles

HOLD your horses! Corrida de Cavalos Cidade de Calaca once again ignites the interest of horse enthusiasts and devotees of Saint Raphael the Archangel. On March 27, 2024, Holy Wednesday, the city will hold its Festival of Horses at...
IBAAN, Batangas — KASABAY ng matunog na palakpakan na may kasamang sigawan ay tinanggap ng Maximo T. Hernandez Memorial Integrated High School ang tumataginting na P100,000.00 premyo bilang bagong kampeon sa mas pinakinang na Les Kuliembo Court Dance Competition...
Unmasked: An exhibit of photos from the field by Howie Severino and Atom Araullo I-Witness documentarists Howie Severino and Atom Araullo will share a selection of what they’ve seen in many years of coverage in a series of photo exhibits in...
- Advertisement -

Latest article

- Advertisement -