TANAUAN City — KASABAY ng pagdiriwang ng Araw ng mga Puso, tagumpay na idinaos ng pamahalaang lungsod ang Kasalang Bayan 2020 sa pangunguna ni Mayor Mary Angeline Halili at pakikiisa ng Sangguniang Panlungsod sa pamumuno ni Vice Mayor Atty. Herminigildo Trinidad Jr. noong Pebrero 14, 2020 sa Tanauan City Gymnasium II.
May kabuuang 35 pares ng magsing-irog ang kauna-unahang pinag-isang dibdib ng alkalde sa taunang programa ng pamahalaang lokal na naglalayong magbigay ng libreng seremonya ng kasal sa kanilang mga nasasakupan.
Dumalo rin sa naturang okasyon ang mga miyembro ng Sangguniang Panlungsod na sina Kon. Joseph Castillo, Kon. Herman Trinidad, Kon. Czylene Marqueses, Kon. Angel Burgos, Kon. Glen Win Gonzales, Kon. Angel Atienza, Kon. Benedicto Corona, Kon. Dra, Kristel Guelos, Kon. Herman De Sagun at SK Federation President John Kennedy Macalindong.| – Maireen Jenzen Nones | Photos by Jun Mojares & Roderick Lanting
