30.6 C
Batangas

Marketing cooperative, solusyon sa produkto ng RIC

Must read

- Advertisement -

BATANGAS City – SA mga nagsisimula ng maliit na negosyo sa kanilang barangay, sila ay pwedeng tulungan sa marketing ng kanilang produkto ng Batangas City Rural Improvement Club Marketing Cooperative (BCRICMC).

Sa 3rd General Assembly ng BCRICMC  sa Research Training Center ng OCVAS noong ika-26 ng Marso, hinikayat ng chairman nito na si Mirrian Catapang ang mga residente ng lunsod partikular yaong mga myembro ng RIC na sumali sa kooperatiba at pagyamanin ang kanilang mga natutunang livelihood projects sapagkat ang kanilang mga pangunahing myembro ay yaong may mga negosyo sa kani-kanilang barangay.

Ipinabatid din niya ang patuloy na tagumpay ng Pasalubong Center, isang proyekto ng RIC na sinimulan noong 2007 sa panahon ni Mayor Eduardo Dimacuha at patuloy na nakakakuha ng suporta kay Mayor Beverley Rose Dimacuha.

Dito isino-showcase ang mga produkto ng mga kababaihan ng iba’t ibang barangay kung kayat lubos ang kanilang pasasalamat sa patuloy na suportang ipinagkakaloob ng pamahalaang lunsod.

Ayon kay Catapang, isang magandang halimbawa ng natamong tagumpay ng isa sa kanilang mga myembro ay ang banana chips business ni Edna Dimayuga ng barangay Tingga Itaas. Siya ay produkto ng mga seminar sa OCVAS at isa sa mga matagumpay na entrepreneurs ngayon sa lunsod. Nag-umpisa sya sa maliit na puhunan at dahil sa tulong ng pamahalaang lunsod ay  napalago niya ito. Ini-export na ngayon ang kanyang mga produkto.

Ipinadadala na ng DTI at DA ang Edna’s banana chips sa ibang bansa at unti-unti nang nakikilala sa buong mundo.

Sa taong ito ay binuksan na nila ang kooperatiba hindi lamang para sa mga kababaihan kundi sa sinumang may negosyo. Ang minimum share ay P2,000 at ang membership fee ay P100.00 lamang.

Hanggang P200,000 ang halagang kayang ipautang ng kooperatiba sa kanilang mga miyembro para sa kanilang negosyo.

Pinayuhan ni City Veterinarian Dr Mac Hornilla ang myembro ng BCRICMC na pagtuunan ng pansin ang “packaging” ng kanilang produkto upang mas maraming consumers ang tumangkilik  nito at mas makilala ang mga produkto ng lunsod.

Nagpaabot ng pagbati at nakiisa din sa naturang okasyon si Congressman Marvey Mariño na kinatawan ng kanyang Chief of Staff na si Eddie Boy Caringal gayundin ang Committeee Chairperson on Agriculture and Cooperative na si Coun. Serge Atienza at kanyang kabiyak na si Coun. Allysa Cruz.|#BALIKAS_News / Ronna Endaya Contreras

- Advertisement -
- Advertisement -

More articles

HOLD your horses! Corrida de Cavalos Cidade de Calaca once again ignites the interest of horse enthusiasts and devotees of Saint Raphael the Archangel. On March 27, 2024, Holy Wednesday, the city will hold its Festival of Horses at...
IBAAN, Batangas — KASABAY ng matunog na palakpakan na may kasamang sigawan ay tinanggap ng Maximo T. Hernandez Memorial Integrated High School ang tumataginting na P100,000.00 premyo bilang bagong kampeon sa mas pinakinang na Les Kuliembo Court Dance Competition...
Unmasked: An exhibit of photos from the field by Howie Severino and Atom Araullo I-Witness documentarists Howie Severino and Atom Araullo will share a selection of what they’ve seen in many years of coverage in a series of photo exhibits in...
- Advertisement -

Latest article

- Advertisement -