29.2 C
Batangas

Regular Classes ng K-12, suspendido pa rin

Must read

- Advertisement -

By JOENALD MEDINA RAYOS

(UPDATED / Jan. 26, 2020) – BINAWI na ng Pamahalaang Panlalawigan ang nauna nitong anunsyo na sisikaping maibalik bukas, Enero 27, ang regular na klase ng mga nasa K-12 level o pre-elementary to senior high school — na sa ngayon nga ay nananatili pa ring suspendido.

Ito’y upang maihanda muna ng lubusan ang mga silid-aralan o paaralan na ginamit na evacuation center ng mga naging biktima ng pagputok ng Bulkang Taal.

Nauna rito ay naibalita noong Martes, Enero 21, na may posibilidad na maibalik na sa Lunes, Enero 27, ang regular na klase ng mga mag-aaral ng K to 12 o mula pre-elementary hanggang senior high school sa mga pribado at pampublikong paaralan sa mga lugar na nasa labas ng 14-km radius danger zone.

Patuloy naman ang pakikipag-ugnayan ng Provincial Disaster and Risk Reduction Management Council (PDRRMC) sa Department of Education (DepEd) para sa bagay na ito.

Ayon sa pununglalawigan, sa ipinakikitang pag-ayos ng sitwasyon ng bulkang Taal, prayoridad na maibalik din ang klase ng mga mag-aaral kung kaya’t ipinag-utos na niya sa engineering department na maihanda kaagad ang mga lugar na paglilipatan ng mga bakwit na nasa mga paaralan.

Kaugnay nito, mariin ang direktiba ng gobernador na mailipat sa Batangas Rehabilitation and Detention Center at sa Batangas Evacuation Center sa Brgy. Malainin at Brgy. Talaibon sa bayan ng Ibaan ang mga bakwit sa mga school facilities.

Samantala, nilinaw pa rin ng gobernador na sakaling maibalik na ang klase sa mga nasa loob ng 14-km radius danger zone at dating mga locked down areas, hindi naman na papayagang makabalik pa sa volcano island ang mga dating nakatira doon. Sa halip, maglalagay ng improvised classrooms sa mga lugar na paglilipatan ng mga bakwit upang makapagklase pa rin ang mga apektadong mag-aaral habang nagtutuluy-tuloy ang recovery and rehabilitation stage.| – BALIKAS News Network

- Advertisement -
- Advertisement -

More articles

HOLD your horses! Corrida de Cavalos Cidade de Calaca once again ignites the interest of horse enthusiasts and devotees of Saint Raphael the Archangel. On March 27, 2024, Holy Wednesday, the city will hold its Festival of Horses at...
IBAAN, Batangas — KASABAY ng matunog na palakpakan na may kasamang sigawan ay tinanggap ng Maximo T. Hernandez Memorial Integrated High School ang tumataginting na P100,000.00 premyo bilang bagong kampeon sa mas pinakinang na Les Kuliembo Court Dance Competition...
Unmasked: An exhibit of photos from the field by Howie Severino and Atom Araullo I-Witness documentarists Howie Severino and Atom Araullo will share a selection of what they’ve seen in many years of coverage in a series of photo exhibits in...
- Advertisement -

Latest article

- Advertisement -