By GHADZ RODELAS
LIPA City – ARESTADO ang tatlong (3) lalaki sa magkakahiwalay na buybust operations ng otoridad sa lunsod na ito.
Unang naaresto ng Drug Enforcement Unit ng Lipa City Police Station ang dalawang (2) lalaking nakilalang sina Samuel Carreon at Remmar Saludes sa Sitio Sto. Toribio, sa Barangay Marawoy.
Positibong nakabili ng isang sachet ng hinihinalang shabu ang police na nagpanggap na buyer sa dalawa na lulan ng isang itima na pick-up truck.
Tatlo pang sachet ng hinihinalang shabu ang narekober sa mga ito, P3,000 cash at ang cellphone na ginamit ng dalawang suspek sa transaksyon.
Samantala, arestado naman sa Barangay Bugtong na Pulo si Jerome Fabroa na nabilihan din ng pulis an nagpanggap na buyer ng isang sachet ng hinihinalang shabu.
Nakuha sa kaniyang pag-iingat ang isang coin purse na naglalaman ng dalawa pang sachet ng hinihinalang shabu, teleponong ginamit sa transaksyon ay ang P500 marked money.
Hanggang sa sandaling sinusulat ang balita, pawang nakapiit sa Lipa City Police Station Custodial Facility ang tatlong suspek na ngayo’y nahaharap sa kasong paglabag sa Republic Act 9165 o Comprehensive Dangerous Drugs Act of 2002.|#BALIKAS_News
