25.6 C
Batangas

3 lalaking nag-pot session, arestado ng barangay tanod

Must read

- Advertisement -

By JOENALD MEDINA RAYOS

BATANGAS City — PINATUNAYAN ng mga barangay tanod ng Brgy. Cuta, lungsod na ito na may silbi sila sa barangay nang arestuhin ng mga ito at mai-turn-over nila sa pulisya ang tatlong kalalakihang naaktuhang nagpa-pot session, Sabado ng gabi, Nob. 24.

Kinilala ng pulisya ang mga naaresto na sina Clifford Toledo y Seña alias Ford, 40 taong gulang, binata, dispatcher, at residente ng Brgy. 1; ang kabarangay nitong parking attendant na si Aldrin Arceo y Gaa, 45, binata; at si Wildrito Panopio y Gonzales alias Jojo, 48, may asawa, driver, at residente ng St. Paula Subdivision, Brgy. Libjo — pawang sa lungsod na ito.

Nabatid pa na ang tatlong suspek ay pawang mga newly identified drug personalities sa lungsod.

Sa paunang imbestigasyon ng pulisya, nabatid na may nagtimbre umano kay Punumbarangay Ramil Caseda na may nagpa-pot session sa bahay ng isang nagngangalang Maribeth kaya naman kaagad na pinarondahan ito ni Caseda sa mga tanod ng barangay.

Kaagad namang rumesponde ang mga nasabing tanod at naaktuhan nga ng mga ito ang mga suspek na humihithit ng iligal na droga.

Nakumpiska sa lugar ang dalawang (2) nakabukas na transparent plastic sachet, aluminum pipe, aluminum foil na may latak pa ng shabu, gunting at dalawang (2) disposable lighters.

Pansamantalang nakapiit ngayon ang mga suspek sa Batangas City Police Station Detention Cell samantalang inihahanda na ang kasong paglabag sa Republic Act 6195 na isasampa sa piskalya sa Lunes.

Ikinalugod naman ni PSupt. Sancho Celedio, hepe ng pulisya sa lungsod, ang aktibong pakikiisa ng barangay sa kampanya ng pulisya laban sa iligal na droga. Patunay aniya ang kaganapang ito sa seryosong pakikipagtuwang ng barangay para sa isang maayos at mapayapang lungsod.|#BALIKAS_News

- Advertisement -
- Advertisement -

More articles

LOBO, Batangas – IKINANDADO na ng mga tauhan ng pamahalaang bayan ng Lobo nitong nakalipas na Lunes, Nobyembre 28, ang dalawang malalaking negosyong industriyal sa bayang ito, bunga ng kawalan ng kaukulang permiso upang makapag-operate nang ligal. Pasado alas-diyes ng...
State pension fund Government Service Insurance System (GSIS) will start releasing on December 6 more than P3.47 billion in Christmas cash gift to its old-age and disability pensioners. "Ang halagang matatanggap ng mahigit 300,000 qualified GSIS pensioner bilang Christmas cash...
IT would be a battle of two first time division winners for the most coveted MPBL Crown with the national finals slated this week. With a young, dynamic and talented core backed by a formidable partnership of two of the...
- Advertisement -

Latest article

- Advertisement -