27 C
Batangas

8 katao kabilang ang 3 kapitan, dawit sa pagpatay sa ABC President

Must read

- Advertisement -

By EDGAR RODELAS

LIPA City – WALONG (8) katao ang kasalukuyang suspek sa pagpatay sa Association of Barangay Councils (ABC) President Marlon Luansing ng lunsod na ito matapos sumailalim sa inquest proceedings ang dalawa (2) sa itinuturong gun men sa krimen noong Disyembre 28 ng gabi.

Bukod sa mag-amang gunmen, anim (6) na katao pa ang kanilang pinangalanan at kabilang dito ang tatlong nakaupong punong barangay sa lungsod.

Matatandaang pinagbabaril ng dalawang lalaki si Luansing  sa bisinidad ng Lipa City Cockpit Arena at binawian ito ng buhay habang niallapatan ng lunas sa ospital. Nagkataon namang may rumorondang pulis na tinamaan din ng bala, ngunit nagawa pa nitong gantihan ang suspek na bagaman at nakatakas ay tinamaan din ng bala.

Di kalaunan, nahuli ang mga ito sa isang ospital sa bayan ng Silang, Cavite, na bukod sa kanilang pag-amin ay positibo ring kinilala ng isang nakasaksi sa krimen.

Kasalukuyang nakapiit sa Lipa City Custodial Facility ang isa sa mga suspek, samantalang nagpapagaling naman ang anak nito sa Batangas Medical Center. Patuloy namang nakalalaya ang anim na iba pang suspek, kabilang ang tatlong punong barangay.

Patuloy pa rin naman ang paggulong ng imbestigasyon sa naturang kaso at maging ang kinaroroonan ng mga suspek.

Samantala, pinarangalan naman ni Police Regional Office 4-A (Calabarzon) director Police Chief Superintendent Edward Caranza si Police Office 3 Ronald Villegas g Medalya ng Sugatang Magiting Award dahil sa ipinakita niyang tapang na maatapos na matamaan ng bala ay nagawa pa niyang makaganti at mapatamaan din ang dalang pangunahing suspek na nagging daan ng kanilang pagka-aresto.|#BALIKAS_News

- Advertisement -
- Advertisement -

More articles

INIANUNSYO na ng ilang lokal na pamahalaan sa Lalawigan ng Batangas ang pagkansela ng klase bukas sa ilang lungsod at bayan dito. Sa Batangas City suspendido ang klase sa lahat ng antas sa lahat ng pampubliko at pribadong paaralan dahil...
PINANGUNAHAN ni Pangulong Ferdinand R. Marcos Jr. Ang pagdiriwang ng ika-160 anibersaryo ng kapanganakan ni Gat Apolinario Mabini sa Mabini Shrine Brgy. Talaga, Tanauan City Batangas.  Bilang pagpupugay ay nag-alay  ng bulaklak ang Pangulo upang kilalanin ang natatanging kontribusyon ni...
“Ang West Philippine Sea ay hindi isang kathang-isip natin lamang. Ito ay atin. At ito ay mananatiling atin, hangga’t nag-aalab ang diwa ng ating mahal na bansang Pilipinas,” President Marcos said in his third State of the Nation Address...
- Advertisement -

Latest article

- Advertisement -