LIPA City — KINUMPIRMA ng Lipa City Police Office ang natagpuang katawan ng isang 9-buwang gulang na batang babae sa gumuhong mga kabahayan sa pananalasa ng bagyong Kristine nitong Huwebes, Oktubre 24, sa Sitio Tagbakin, Brgy. Halang, lungsod na ito.
Ayon naman kay Lipa City Disaster and Risk Reducation Management Officer Leo Tejada, patuloy pa rin ang search and retrieval operation sa dalawa (2) pang indibidwal na kapwa di pa matukoy kung saan napadpad ang mga ito.
Ang mga biktima ay kinabibilangan ng isang 25-anyos na babae at isang 9-taong gulang na batang lalaki na isa ring person with disability (PWD).|- Ghadz Rodelas
