23.6 C
Batangas

ASEAN para saKababaihan*

Must read

- Advertisement -

By MARIFE D. FRANE**

KAMAKAILAN lamang ay sinabi ni Vice President Leni Robredo na makabubuti para sa mga kababaihan ang Economic Integration ng ASEAN. Nakatutuwa at kapaki-pakinabang ang hakbang na ito ng asosasyon kung tunay na maisasakatuparan.

Sa makabagong panahon na ginagalawan natin ngayon, kung saan katuwang na ang mga maybahay ng kanilang mga asawa sa pagtataguyod ng kanilang mga anak, nakatutuwang mabigyan sila ng tiyak na pagkakataon para makapaghanap-buhay. Hindi man nakatapos ng apat o limang taong kurso sa kolehiyo, kung matutuloy ang hakbanging ito ng ASEAN na mabigyan sila ng kaalaman sa simpleng pagnenegosyo, ito ay lubos na makatutulong. Subok ang kakayahan at tiyaga ng mga Pilipina na siguradong matututo matapos sumailalim sa mga tamang pagsasanay. Ang kaalaman at kasanayang kanilang makukuha ay magagamit nilang puhunan upang kumita at mabigyan ng maayos at marangal na pamumuhay ang kanilang pamilya.

Kapaki-pakinabang ang hakbanging ito sapagkat ang mga ina bilang ilaw ng tahanan ay hindi na kakailanganin pang pumunta ng ibang bansa upang doon makipagsapalaran at humanap ng ikabubuhay. Ang ilaw ay dapat manatiling nagniningning sa loob ng bawat tahanan. At ang ningning na ito ay napaparam at nagiging kadiliman sa tuwing lumilisan ang ina ng tahanan kapalit ng trabaho upang mabuhay. Sa pamamagitan ng programang ito ng ASEAN, mababawasan ang mga kababaihang kinakailangan pang umalis ng bansa sapagkat dito sa kanilang bayan ay magkakaroon na ng trabahong mapagkakakitaan at marangal. Mas higit na nilang magagabayan ang kanilang mga anak, daan upang maging mabubuti silang mamamayan ng bansa.

Ang programang ito ng ASEAN ay tunay na nakatutuwa at kapaki-pakinabang. Maisagawa sana nang tama ang mga plano at hakbangin upang maisakatuparan ito at makatulong sa mga kababaihang mamamayan ng bawat kasapi ng bansa. Isang pagsaludo sa ASEAN sa pagbibigay ng kahalagahan sa pag-angat ng papel na maaaring gampanan ng mga kababaihan, — mga kababaihang nagsisilbing patnubay sa paghubog ng mga kabataang mangangalaga at magtataguyod sa bansa sa mga susunod pang henerasyon.|

*3rd Place-Editorial Writing-Filipino, School Paper Adviser’s Category sa Regional Schools Press Conference, Nov. 13, 2017

**Si Ms. Marife D. Frane ay Teacher III, Talumpok Silangan Elem. School, Batangas City

- Advertisement -
- Advertisement -

More articles

THE Philippine entertainment industry lost another renowned actress, Jacklyn Jose, or Mary Jane Santa Ana Guck in real life. The iconic star, who was born on October 21, 1964 in Angeles, Pampanga was known was her exemplary performance as an...
HEEDING the president’s call to provide assistance to victims of calamities, the Government Service Insurance System (GSIS) has opened its emergency loan window until March 15 to aid GSIS members and pensioners adversely affected by the flooding in the...
Maxim, one of the major network companies in the Philippines, has obtained Certificate of Accreditation as Transport Network Company from the Department of Transportation and the Land Transportation Franchising and Regulatory Board (LTFRB). The company is now announcing the...
- Advertisement -

Latest article

- Advertisement -