24.5 C
Batangas

Babaeng dadalaw sana sa live-in partner, kulong rin sa pagpupuslit ng shabu

Must read

- Advertisement -

By JOENALD MEDINA RAYOS

LIPA City – KALABOSO na rin ang isang babaeng dadalaw lang sana sa kaniyang kinakasamang nakapiit sa Lipa City Jail matapos makuha sa kaniyang pag-iingat ang may 14 na pakete ng hinihinalang shabu, Lunes ng gabi.

Nakilala ng otoridad ang inarestong si Michelle Natividad ng Lungsod na ito na dati nang nakulong sa kasong paglabag sa Republic Act 9165 o Dangerous Drugs Act of 1992, ngunit nakalaya rin matapos sumailalim sa plea bargaining agreement.

Ayon kay Police Senior Inspector Nestor Balita, tagapagsalita ng Lipa City Police Station, dumaan sa routinary check ng jail guard ang mga dumadalaw sa mga inmates kung saan ay sinusuri ang mga dala-dalang gamit ng mga bisita ng preso.

Sa pag-tsek aniya sa gamit ni Natividad, tumambad sa pulis ang isang kaha ng sigarilyo na batbat ng packaging tape at nang ito’y buksan ay nakita ang may 14 na sachet ng hinihinalang shabu na may timbang na humigit-kumulang sa 10 gramo at street value na P25,000.00.

“Hindi ko po talaga alam yan. Kampante po ang loob ko na ang bag na isesearch po nila eh ibinigay ko agad sa kanila. Hindi ko po talaga alam yan eh,” todo tangging pahayag ng inarestong si Natividad.

Dahil sa pangyayari, deretso kulungan na rin si Natividad na ngayon ay nahaharap na sa panibagong kaso ng paglabag sa Republic Act 9165 o Dangerous Drugs Act of 1992.

Samantala, wala namang naging pahayag pa ang sana’y dadalawing live-in partner ni Natividad na si Ronel Plata na may kasong illegal gambling.|May ulat ni Ghadz Rodelas

[Photo by Ghadz Rodelas]

- Advertisement -
- Advertisement -

More articles

By Elyssa Lopez, Philippine Center for Investigative Journalism Liquefied natural gas may be a new industry in the local energy sector, but old names are behind the companies bringing the technology to Philippine shores.  Based on proposals submitted to the Department...
Compensation claims as a result of the sunken MT Princess Empress’s massive oil spill in Tablas Strait could surpass those filed in the aftermath of the 2006 sinking of the MT Solar in Guimaras Strait, Quezon City Rep. Marvin...
Four SM Executives led the charge among 100 notable Certified Public Accountants (CPAs) in the country as they were conferred the Centenary Awards of Excellence for their outstanding contributions in the advancement of the accountancy profession. The Centenary Awards of...
- Advertisement -

Latest article

- Advertisement -