28.9 C
Batangas

Batangas City, napasok na rin ng HFMD; 4 na kaso kinumpirma ng CHO

Must read

- Advertisement -

NAKAPASOK na rin sa Lungsod Batangas ang nakahahawang Hand, Foot and Mouth Disease (HFMD) nang makumpirma ang apat na kaso nito sa magkakahiwalay na barangay sa lungsod as of October 19.

Ayon kay Disease Surveillance Officer Aileen Cantos ng City Health Office (CHO), mayroong 76 suspected cases at 117 naman ang for monitoring na kaso ng naturang sakit mula sa iba’t ibang barangay ng syudad.

Wala naman aniyang ni isa man batang may HFMD ang naitalang nakaratay sa alin mang ospital sa lungsod.

Ang Hand, Foot and Mouth Disease (HFMD) ay isang nakakahawang viral infection sanhi ng coxsackievirus at enterovirus na karaniwang sakit ng mga sanggol, daycare children at mga bata na hanggang nasa ikatlong baitang.

Ito ay nakakahawa sa unang linggo ng impeksyon at maaaring makuha sa pamamagitan ng kontak sa sipon, plema, laway, dumi ng tao na may HFMD o sa paghawak sa mga bagay na hinawakan nito.

Kabilang sa mga sintomas nito ay lagnat, sore throat, sugat sa lalamunan, bibig at dila, pananakit ng ulo, rashes sa palad ng kamay, talampakan at diaper area, puwit, braso at binti, kawalan ng ganang kumain, pagiging iritable at panghihina.

Gumagaling aniya ito ng kusa subalit kailangang iwasan ang dehydration upang maiwasan ang komplikasyon.

Binigyang-diin ni Cantos na ilan sa mga dapat gawin upang maiwasan ang HFMD ay ang pagkakaroon ng proper hygiene lalo’t higit ang paghuhugas ng kamay gamit ang tubig at sabon bago at pagkatapos kumain, at pagkagamit ng banyo.

Iwasan din ang “sharing” pagdating sa inumin, pagkain, kubyertos, tuwalya, at iba pang personal na gamit.

Payo niya na huwag nang papasukin ang bata sa paaralan kung magkaroon ng sintomas at agarang i-isolate upang ma cut-off ang transmission. Panatilihin din aniya ang kalinisan ng kapaligiran.

Kaugnay nito, nakapagsagawa na ng lecture hinggil sa HFMD ang mga nurses ng CHO sa mga daycare centers at public elementary schools sa 18 barangay mula pa noong October 10.

Larawang kuha ng PIO Batangas City

Nakipag-ugnayan din aniya ang CHO sa Dep ED at inirekomendang huwag munang papasukin ang mga mag-aaral kung magkaroon ng kaso ng HFMD sa isang klase.

Hiniling niya ang pakikiisa ng mga magulang sa pangangalaga sa kanilang mga anak upang hindi na kumalat pa ang HFMD sa lungsod.|-BNN

- Advertisement -
- Advertisement -

More articles

San Miguel Corporation (SMC) is undertaking the P44.77-billion Nasugbu-Bauan Expressway (NBEX) project that will provide a faster connection between the eastern and western portions of Batangas province. This comes after the Batangas provincial government granted the company’s infrastructure arm, SMC...
The 67th Session of the Commission on the Status of Women held on 6-17 March 2023 at the UNMHeadquarters in New York gathered representatives of member states, UN entities and non governmental organizations for the first in-person session since...
Responsive and committed government financial institution. In pursuit of its commitment to help other government institutions in optimizing operating efficiency and public service, the Philippine Deposit Insurance Corporation (PDIC) turned over previously used office, furniture, and IT equipment to...
- Advertisement -

Latest article

- Advertisement -