29.5 C
Batangas

Batangas, kinilalang ‘wonderful and amazing sister city ng Suseong-gu

Must read

- Advertisement -

HINDI na naitago ang paghanga at sa halip nagbigay-pugay pa sa lungsod nang bumisita ang mga opisyal ng Susueong-gu, South Korea noong Hunyo 27-30.

Ang delegasyon ay pinangunahan ni Suseong-gu Vice Mayor Donghyun Baek kasama ang mga pinuno ng kanilang iba’t ibang tanggapan.

Layunin ng pagbisita na mapalawig pa ang Sister City relationship ng dalawang lungsod na sinimulan noong administrasyon nina dating Batangas City Mayor Eduardo Dimacuha at Suseong-gu Mayor Kim Hyeong Ryeol noong November 2009.

Hangad ng delegasyon na makatulong sa higit na pagpapaunlad ng turismo at edukasyon ng lungsod kung saan nagkaloob sila ng $3,000 scholarship grant.

Nauna rito, nagkaroon ng presentation sina City Administrator Engr. Sonny Godoy, at Secreatary to the Mayor Atty. RD Dimacuha hinggil sa Batangas City at sa mga naging gawain at proyektong itinaguyod sa ilalim ng sister city agreement

Ipinasyal din ang grupo sa mga makaysaysayang lugar sa lungsod.

Ipinadama naman nina Mayor Beverley Dimacuha at Cong. Marvey ang kanilang mainit na pagtanggap sa mga bisita sa pamamagitan ng isang cultural show ng Likhang Sining Dance Group ng Marian Learning Center & Science High School.

Ipinaabot ni Mayor Dimacuha ang kanyang pasasalamat sa muling pagbisita ng mga opisyal sa lungsod at sa scholarship grant na kaloob ng mga ito.

Nakiisa rin sa okasyon sina Vice Mayor Alyssa Cruz at mga miyembro ng Sangguniang Panglungsod.

Inilarawan ng mga bisita ang Batangas City bilang “wonderful, beautiful at amazing city” dahil anila sa hospitality ng mga Batangueno, ganda ng lungsod at husay ng mga opisyal na naglilingkod dito.| – pr

- Advertisement -
- Advertisement -

More articles

INIANUNSYO na ng ilang lokal na pamahalaan sa Lalawigan ng Batangas ang pagkansela ng klase bukas sa ilang lungsod at bayan dito. Sa Batangas City suspendido ang klase sa lahat ng antas sa lahat ng pampubliko at pribadong paaralan dahil...
PINANGUNAHAN ni Pangulong Ferdinand R. Marcos Jr. Ang pagdiriwang ng ika-160 anibersaryo ng kapanganakan ni Gat Apolinario Mabini sa Mabini Shrine Brgy. Talaga, Tanauan City Batangas.  Bilang pagpupugay ay nag-alay  ng bulaklak ang Pangulo upang kilalanin ang natatanging kontribusyon ni...
“Ang West Philippine Sea ay hindi isang kathang-isip natin lamang. Ito ay atin. At ito ay mananatiling atin, hangga’t nag-aalab ang diwa ng ating mahal na bansang Pilipinas,” President Marcos said in his third State of the Nation Address...
- Advertisement -

Latest article

- Advertisement -