26.8 C
Batangas
Home Blog Page 144

“Pagbaha ng dumi ng baboy sa Ilog Calumpang, dapat aksyunan agad” – BM Blanco

0

By JOENALD MEDINA RAYOS

BATANGAS City – “KAILANGANG aksyunan kaagad sa lalo’t madaling panahon at may mga dapat managot sa patuloy na pagkasira ng Ilog Calumpang dulot ng walang habas na pagpapadaloy dito ng mga dumi ng baboy.”

Ito ang mariing pahayag ni 5th District Board Member Arthur G. Blanco sa kaniyang Privilege Speech sa regular na sesyon ng Sangguniang Panlalawigan ng Batangas noong Lunes, Setyembre 10.

Pahayag ng lokal na mambabatas, ang hindi lamang dapat pagkakaroon ng malaking kita sa paghahayupan ang dapat binibigyang-pansin, maging maliit mang backyard hog raiser o malaki mang negosyo o kooperatiba. Sa halip, kailangang bigyang-diin din ang responsableng paghahayupan at ang pagbibigay-pansin sa kapakanang pangkalikasan.

Nitong mga nakalipas na linggo, muliang nakita sa Ilog Calumpang ang animo’y dagat ng dumi ng baboy na bukod sa masangsang na amoy nito ay ang pagkasira ng ilog na siyang pangunahing tributary o daluyan ng tubig mula sa itaas na bahagi ng Lungsod Batangas at ng mga bayan ng San Jose, Ibaan, Taysan at Rosario.

Lubos na umanong nakakabahala na ang katatayuan ng Ilog Calumpang na dating kinikilala sa kaniyang kalinisan at kagandahan, bukod pa sa malaking papel nito sa kasaysayan ng lalawigan at lungsod ng Batangas.

Binigyang-diin pa ni BM Blanco na may mga nakarating pa umanong mga sumbong sa kaniya na isang dahilan kung bakit diumano ito nabibigyang pansin o inaaksyunan ng mga knsernadong punong barangay sa mga barangay na nagpapadaloy sa ilog ay ang takot na mawalan ng boto noong nagdaang barangay election at sa mga darating pang halalan. Ngunit aniya tama na dahil sa pamumulitika ay pababayaan naman ang ating Inang Kalikasan.

Dahil dito, hiniling ni Blanco ang tulong ng mga kasamahang board members para agarang maasyunan ang sitwasyon sa Ilog Calumpang. Kailangan aniyang kumilos ang mga konsernadong ahensta o tanggapan ng pamahalaang panlalawigan, gayundin ang Philippine National Police, Department of Environment and Natural Resources, CENRO at maging ang pribadong sektor.

Kaugnay nito, magtatakda naman ng pagdinig ang Committee on Enviromental Protection na pinamumunuan ni 2nd District Board Member Wilson Rivera upang tuluyang matuldukan ang problema sa Ilog Calumpang. Dagdag pa ni Blanco, kung kakailanganing pamunuan ng mga kagawad ng pulisya ang pagpapatupad ng batas ukol dito ay iyon ang dapat mangyari.|#BALIKAS_News

Road Users Ordinance, pasado na sa Sangguniang Panlalawigan

0

By JOENALD MEDINA RAYOS

MAGBABAYAD ng patung-patong na multa o kung minamalas pa’y maaaring abutin ng pagkabatak ng kanilang mga sasakyan ang naghihintay na parusa sa mga pasaway na drayber o may-ari ng mga sasakyang lalabag sa panlalawigang ordinansang pinagtibay upang magamit nang maayos ang mga pinaluwang na lansangan sa Lalawigan ng Batangas.

Ito’y matapos tuluyang makapasa sa Ikatlo at Huling Pagbasa ng Sangguniang Panlalawigan ng Batangas nitong Lunes, Setyembre 10, ang ordinansang inakda ni Board Member Arthur ‘Bart’ Blanco ng Batangas City Lone District na may titulong “Ordinance on Transport and Road Usage in the Province of Batangas, and for Other Purposes.”

“Maaaring maituring na very unpopular ang Ordinansang ito at mangangahulugan ng bawas-boto sa ibang lugar, ngunit hindi iyon ang ating tinitingnan dito, kundi ang malaking pangangailangan na magkaroon ng disiplina sa paggamit ng ating mga lansangan at mapakinabangan nang tama ang mga pinaluwang na kalsada sa ating lalawigan,” pahayag ni Bokal Blanco.

“Higit na mahalaga at mas matimbang kaysa pagkabawas ng boto ang bawat drayber na madidisiplina at bawat biyaheng mapapabilis sa pagkawala ng mga nakahambalang na sasakyan o mga iligal na pagparada sa mga gilid ng lansangan,” dagdag pa ng opisyal.

Masasaklaw ng nasabing ordinansa ang lahat ng mga national at provincial highways sa nasasakop ng Lalawigan ng Batangas. Samantalang maiiwan naman sa pangangasiwa ng mga bayan at syudad ang mga municipal at city roads.

Magiging pangunahing ahensya na magpapatupad ng ordinansa ang Provincial Public Order and Safety Services Department (PPOSD) sa pakikipagtulungan sa PNP Traffic Management Division at sa Traffic Management Office ng lalawigan. Itinatakda rin ng ordinansa na ang mga barangay tanod at tauhan ng PPOSD ay magiging deputized personnel o agents ng Land Transportation Office (LTO) sa pangangasiwa ng trapiko at mga lansangan sa lalawigan. Ayon pa kay Blanco, bukod sa masosolusyunan ang problema sa trapiko ay magiging source of revenues para sa lalawigan.

Kapag PPOSS na umano ang nangasiwa ng trapiko, maiiwasan ang padrino system o palakasan at pamumulitika sapagkat  hindi maaaring lakarin o ipakiusap ng malalapit sa mga alkalde o ginagawang dahilan ang pagiging malapit sa mga alkalde o iba pang opisyal ang pagsuway sa batas trapiko. Upang masigurong mangyayari ito, ang mga barangay tanod na magsisilbing traffic enforcer ay hindi maaaring manghuli sa kaniyang respective barangay upang maiwasan na ‘lakarin’ ang mga mahuhuling sumusuway sa ordinansa.

Sa mga sasakyang mahuhuling nakaparada o iniwan sa mga gilid ng lansangan, P500 ang nakatakdang multa sa unang paglabag, P1000 sa ikalawang paglabag, at P1,500 naman sa ikatlong paglabag. Ipinagbabawal din ng ordinansa maging ang mga pagbitin sa anumang uri ng sasakyan, kabilang na ang pag-angkasa sa bisekleta, roller skates at iba pang katulad nito.

Samantala, kung ang mga nahuling iligal na nakaparadang sasakyan ay mananatili sa lugar ng kinatitigilan nito ng hihigit saw along (8) oras, ang naturang sasakyan ay babatakin at ii-impound at maaari lamang matubos kapag nabayaran na ang kaukulang gastos sa pag-batak o paghila dito pati ang impounding fee. Kung hindi matutubos ang mga mai-impound na behikulo sa loob ng pitong (7) araw, ito ay maaring i-subasta ng pamahalaang panlalawigan.

Umaasa naman si Blanco na sa pamamagitan ng pagkakaroon ng ngipin ng Ordinansa ay magiging disiplinado na ang mga drayber ay may-ari ng mga sasakyan upang magamit ng maayos ang mga pinaluwang na kalsada sa lalawigan.

Buo naman ang suporta ng mga kasamahang bokal sa pakapagpatibay ng Ordinansa na ngayon ay naghihintay na lamang malagdaan ni Gobernador Hermilando I. Mandanas upang tuluyang maipatupad sa lalo’t madaling panahon.| #BALIKAS_News

Miss Tourism World Philippines 2018, Kattleen Gomez, kinilala ng pamahalaang panlalawigan

0

By MARK JONATHAN M. MACARAIG

BILANG pagkilala sa karangalang inihatid sa Lalawigan ng Batangas, ginawaran ng Certificate of Recognition si Kathleen Tagle Gomez mula sa bayan ng Balete, Batangas matapos makuha nito ang titulong Miss Tourism World Philippines 2018 sa ginanap na koronasyon ng Miss Tourism Philippines 2018 sa Chateau Royale, Nasugbu, Batangas, Agosto 25.

Kasabay ng pagsisimula sa pagdiriwang ng Tourism Month ng lalawigan na idinaos sa Batangas Provincial Auditorium, Setyembre 10, personal na iginawad ni Gov. Dodo Mandanas, kasama ang mga miyembro ng Sangguniang Panlalawigan, ang parangal sa Batangueña Beauty Queen para sa kanyang ipinamalas na galing sa larangan ng beauty pageant.

Kaugnay nito, hindi lamang ang pagkapanalo sa titulo ang kanyang nakamit, humakot si Gomez ng ilang special awards gaya ng Miss Jergens, Miss MUD, Miss Chateau Royale, Miss Lady Grace at Miss Photogenic.

Ang Miss Tourism Philippines Pageant ay may apat na korona at titulo kung saan ang mananalo ay magiging kinatawan ng bansa sa international pageants, ang Miss Tourism Grand Queen, Miss Tourism Universe, Miss Tourism Ambassador at ang Miss Tourism World.

Si Gomez, 24, ay nagtapos sa kursong Bachelor of Science in Tourism sa First Asia Institute of Technology and Humanities (FAITH) sa Lungsod ng Tanauan.

Matatandaan din na noong isang taon ay sumabak  na ito bilang isa sa mga kalahok sa Miss World Philippines 2017.

Ang sertipiko ng pagkilala na iginawad kay Gomez ay base sa inihaing Resolusyon ni 3rd District Board Member Alfredo C. Corona kung saan nasasaad na makakatanggap ito ng cash incentive mula sa Pamahalaang Panlalawigan ng Batangas alinsunod sa Provincial No. 005 Year 2016 na may titulong Incentive to Batangueño Achievers.

Labis naman ang ipinakitang saya at suporta ni Gov. Mandanas kasama ang mga bokal lalo pa at magiging kinatawan si Kathleen Tagle Gomez sa internasyunal na kumpetisyon para maiuwi ang titulong Miss Tourism World.

Samantala, kinilala rin si Jan Rose de Castro mula sa Rosario, Batangas na nakakuha ang titulo bilang 1st Runner-Up.

Hangarin ng Miss Tourism Philippines Pageant na maitaguyod ang turismo sa pamamagitan ng kagandahan, sining at kultura. Sinisikap din ng nasabing pageant ang makipagtulungan sa mga Local Government Units upang mas maipakita pa ang halaga ng pagkaka-isa sa paglikha ng magagandang oportunidad para sa mga lokal na komunidad.|#BALIKAS_News

Tabangao Medical and Dental Mission: ensuring a fit and healthy community

0

In photo: Hundreds of TALIM residents grabbed the opportunity of availing the free medical and dental services.|

By JIM PALMA

MORE than 800 patients were given free medical, dental, laboratory and optical services on Shell Tabangao Refinery’s Medical Mission.

Shell Tabangao Refinery continues to fulfill its commitment of addressing the medical needs of its fence-line communities benefitting more than 800 residents of Barangays Tabangao, Ambulong, Libjo, San Isidro and Malitam, commonly known as TALIM through a Medical Mission last September 1, 2018.

The medical mission is a semi-annual endeavor and one of the many social investment programs of the Refinery which aims to attend the medical needs and promote the health and general wellbeing of its neighboring communities.

Evangeline Mendoza, a 45-year-old resident from Brgy. Ambulong is one of the hundreds of beneficiaries who endured the huge volume of people just to avail the free medical services.

Some of the services given during the last Medical and Dental mission.|

Marahil isa kami sa napakaraming residenteng taun-taong nag-aabang sa Medical Mission na handog ng Shell sapagkat wala naman kaming sapat na kakayahan upang makapagpatingin sa mga pampribadong ospital. (We are one of the many hopeful residents eagerly waiting for the Medical Mission hosted by Shell as we don’t have enough financial resources to have our selves checked by private hospitals”, Mendoza emphasized.

Grateful for Shell social development initiatives, she shared her greatest appreciation for the free medical services.

Ipinaabot namin ang aming taus-pusong pasasalamat sapagkat napakalaking tulong ang naibibigay ng Shell lalo sa aming mga kapus-palad at lubos na umaasang patuloy na isasagawa sa mga susunod pang taon. (We would like to send our sincerest thanks for this medical assistance especially for us, unprivileged ones and we are optimistic that Shell will continually roll this Medical Mission for the years to come”, she added.

The beneficiaries were attended by a total of more than 200 volunteers composed of doctors, nurses, dentists, medical technologists, pharmacists from various hospitals and medical organizations, PAF (Philippine Air Force) staff and volunteer staff and contractors across Shell businesses.

External Relations Manager Dar Guamos emphasizes the relevance of conducting the said mission for Shell communities.

“Every year, we can see the huge volume of residents who are availing the medical services which means that there is really a need to do this. These numbers has always been our motivation to continually address their fundamental needs and extend assistance the best way we could not only because they are our neighbors but as being part of the Shell family as well”.

“We have always believed on the idea that a healthy family is also a picture of a productive and well-rounded community. Through the help of these medical organizations, we are making sure that a healthy living is accessible and achievable by everyone”, he added.

This year, Shell Tabangao partnered with Batangas Crown Lions Club who provided eye check-up and free prescription glasses for kids. While Executive Optical provided 50 reading glasses for adults and the rest is from Shell. Moreover, the Malampaya Clinical Laboratory offered laboratory examinations like Complete Blood Count (CBC), Urinalysis and Fecalysis.

Philippine Air Force – Air Education & Training Center, Batangas City Health Office, Batangas Medical Society, Lipa Medical Society, Diabetes Philippines – Batangas Chapter, Philippine Academy of Family Physicians – Batangas Chapter, Institute of Diabetes Foundation – South Luzon, Batangas Medical Center, St. Patrick’s Hospital, Golden Gate General Hospital, Philippine Red Cross – Batangas Chapter, Pilipinas Shell Foundation, Inc., Malampaya Foundation Inc., Shell Tabangao Ladies Circle and Isla Gas Terminal, also rendered support services for the event.|#BALIKAS_News

 

 

Dagdag kalye, hindi bawas sasakyan ang solusyon sa trapiko

0

SA eroplano sumakay si P-Duterte sa kanyang pagdayo sa Jordan at Israel. Panalangin da ni VP Leni Robredo na sana’y ligtas sa sakuna ang eroplano. Eroplano lang hindi kasama si Duterte.

Bakit daw binawi ng pangulo ang amnesty ni Senator Trillanes. Sagot ni P-Digong, ”He is not giving me a rest so I ordered his arrest!”

Kapag bumaha ang imported rice ay apektado ang ating mga magsasaka. Jackpot ang mga komunista, kasi sasapi na lang daw sila sa NPA at hihiwalay na sa NFA.

Ang magsasaka ay kakambal ng gobyerno. Kapag bumagsak ang mga magsasaka ay bagsak din ang gobyerno.

Agree daw si Agriculture secretary Manny Pinol na gawing legal ang rice smuggling, para daw mapigil ang ang pagtaas ng presyo ng bigas. Hindi rin mapigil ang illegal drugs, murder, rape at iba pang krimen. Ang tanong kay Manny Pinol, ”Gagawin din kayang legal ito?” Agri o dis-agri-?

Pinatatanggal ni Senator Ping Lacson ang P16 bilyong pork barrel ng DPWH. Sobra na! Tama na ang kurakot!

Tinatalakay na ng mga mambabatas ang 2019 budget ng gobyerno. Tinataya na nila ang kanilang nadudugas next year.

Isang street vendor ang ating Asian board skating gold medalist. Si Pacquiao ay dati lang maglalako ng pandesal.

Wala pa raw abogado na nakapag-ambag ng gold medal sa Pinas. Ang ibig sabihin ay hindi lang abogado ang dapat konsultahin sa paglikha ng Konstitusyon. Pwedeng konsultahin kahit street vendor.

Nagpatutsada uli si P-Digong na siya ay sick at tired of listening to Joma.  Aminado talaga siya na siya ay pagod na ay maysakit pa!

Namomonopoliya ng mga rice smuggler ang supply ng bigas ngayon. Kasi kapag hindi sila nag-smuggle ay marami ang magugutom. Sabagay, matagal na ang rice smuggling. Kahit anong pagkilos ng Palasyo ay nagpapalit lang ng kolektor ng tara at payola.

Lagyan lang ng skyway kahabaan ng  Roxas Boulevard, Quezon Avenue, Roosevelt Avenue, Commonwealth Avenue at Congressional Area ay seguradong luluwag ang trapiko. Ang solusyon sa trapiko ay dagdag-kalsada at hindi bawas-sasakyan. Di ba?

P70 na raw ang kilo ng bigas sa palengke, kaya hindi na makabili ng pang-ulam ang mahirap na mamamayan.  Sabagay, may tinda rin namang asin. Maglugaw na lang!

5 milyon daw ang adik at tulak sa bansa, pero 30,000 pa lang ang napapatay. Kung sila ay imamasaker ay saan kaya sila ililibing? Natatandaan ko tuloy ang pahayag ni yumaong Tanauan City Mayor Thony Halili dahil sa kabi-kabilang patayan sa lungsod na ang mga adik at pusher ang biktima. Aniya’y hindi ang kanilang kamatayan ang solusyon kundi repormasyon na kung saan ay binalak niyang magpatayo ng rehabilitation center dahil sa sobrang sikip na ang Tanauan City Jail. Ang kakatwa ay ibinibintang bilang isyu kontra sa kanya ang pagkamatay nang halos 150 adik at pushers sa unang termino niya bilang mayor. At bago siya namatay ay kinakampihan pa niya ang adik at pushers. Sobra talaga at nakakahilo ang pulitika!

Wala namang relihiyon ang kumukunsiti sa mga adik , pero bakit kaya sangkatutak pa rin sila? Kung si Satanas, seguro ang magtatayo ng sekta ng relihiyon ay baka milyon din agad ang myembro. Magkakaroon ng Iglesia ng Demonyo na ang ostiya ay ecstasy o shabu kasabay ang malakas at mataas na tono ng pag-awit ng rap dahil high na high din ang mga deboto. Kailan kaya masusugpo ang problemang ito sa droga na hindi lamang sa Pinas kundi sa buong mundo. Nakakaawa ang mga millenials.

Inalala ng mga Pinoy ang kapanganakan ni dating yumaong Pangulong Ramon Magsaysay na namatay dahil sa pagbagsak ng kanyang eroplano. Ayon kay P-Digong ay possible ring bumagsak ang helicopter niyang galing sa Amerika.  At kung mamatay siya ay mga Amerikano raw  ang suspek.

Aangkat pa raw ng galunggong ang mga Pinoy.  Aangkat sila sa loob ng Bureau of Customs. Haynaku!

Maraming humihiling na huwag buwagin na ang NFA. Kailangan daw ito sa rice smuggling!

Gagawing pribado na raw ang NFA. Matagal nang kontrolado ng mga pribadong rice traders ang NFA.

Sa dami ng consignees ng shabu na pinalusot sa Customs ay wala pang nahuhuli. Meron daw isa sana, pero inalbor daw ni Paolo Duterte?|

400 Batangueñong mag-aaral, nakibahagi sa Free UPCAT Review

0

By BHABY P. DE CASTRO

LUNGSOD NG BATANGAS – MAY 400 Batangueñong mag-aaral na nasa Grade 12 mula sa iba’t ibang senior high schools sa lalawigan ng Batangas ang nakibahagi sa isinagawang Free UPCAT Review sa Provincial Cooperative Livelihood Enterprises and Development Office (PCLEDO) building noong ika-1 ng Setyembre.

Ang libreng review ay inisyatibo ng Sangguniang Kabataan Council ng Brgy. Sampaga sa lungsod na ito sa pangunguna ng SK Chairperson na si Clark Banaag sa pakikipagtulungan ng pamahalaang panlalawigan ng Batangas at Upsilon Sigma Phi.

Ayon kay Banaag, hindi lamang UPCAT review ang sakop ng proyektong ito kundi maging ang mga pagsusulit sa Department of Science and Technology, Commission on Higher Education at iba pang college at qualifying examinations.

“Hindi lamang po makikilala ang SK sa pagsasagawa ng mga liga at pageants dahil may maiko-contribute na din itong isang mahalagang bagay sa mga kabataang Batangueño. Bagama’t 300 lamang po ang target namin na mabigyan ng review ay patuloy kaming tumatanggap ng mga walk-in dahil malaking tulong ito para sa mga kabataan. Hindi lamang po ito ang aming balak dahil plano din naming magsagawa ng libreng Civil Service Examination review at hindi lamang mga kabataan ang maaaring makinabang dito kundi maging ang ibang mga Batangueño na naghahangad makapasa sa pagsusulit ng CSC”, ani Banaag

Sa panayam kay Lael Anillo, isang Grade 12 student mula sa Lyceum of the Phils. University (LPU)-Batangas, nakita nila ang nabanggit na review sa facebook kung kaya’t agad ay hinimok siya ng kanyang ina na makibahagi dito dahil malaki ang maitutulong nito sa kanyang hangad na makapasok sa anumang sangay ng University of the Phils. (UP).

Ang review ay dalawang magkasunod na linggong isasagawa, Setyembre 1 at 8 kung saan magiging bahagi nito ang Mathematics, Science, Languange Proficiency at Reading Comprehension kung saan magkakaroon ng pre at post test ang mga reviewees upang malaman kung nadagdagan ang kanilang kaalaman sa mga nabanggit na paksa.|#BALIKAS_News

Wanted sa murder, arestado; P2-milyong halaga ng shabu, narekober

0

By JOENALD MEDINA RAYOS

BATANGAS City – NAHULOG na sa kamay ng batas ang isang wanted sa mga kasong murder samantalang narekober din sa kaniyang posesyon ang may P2-milyong halaga ng shabu sa isang operasyon sa Barangay Wawa, lungsod na ito, Huwebes ng gabi, Setyembre 6.

Sa ulat kay Batangas Police Provincial Director PSSupt. Edwin A. Quilates ni PSupt. Sancho Celedio, hepe ng Batangas City Police Station, matagumpay aniyang naihain ng kaniyang mga tauhan ang Warrant of Arrest bandang alas-9:30 ng gabi kay Jojo Alvarez Mallorca sa naturang lugar.

Nabatid pa na si Mallorca ay pangunahing suspek sa magkapatong na kaso ng murder sa lunsod kaya’t siya’y Number 1 sa Top 10 Most Wanted Person in LOI Manhunt Charlie at itinuturing ding No. 3 sa Top 10 Drug Personality o High Value Target ng kampanya ng pulisya kontra iligal na droga.

Narekober naman sa kaniyang pag-iingat ang dalawang (2) transparent plastic na naglalaman ng hinihinalang shabu na tumitimbang ng 300 gramo at tinatayang nagkakahalaga ng Php 2,040,000.00. Narekober din sa suspek ang isang (1) cal. 45 Armscor, isang magazine at pitong (7) buhay na bala.

Kasalukuyang nakapiit ang suspek sa Batangas City detention facility habang inihahanda ang kaukulang kaso laban sa kaniya.|#BALIKAS_News

KaltaSSS-Collect MOA Signing, isinagawa sa San Pascual

0

By BHABY P. DE CASTRO

SAN PASCUAL,Batangas — ISINAGAWA ang Memorandum of Agreement(MOA) signing sa pagitan ng lokal na pamahalaan ng San Pascual at Social Security System(SSS) Batangas Branch para sa KaltaSSS-Collect program sa Municipal Covered Court sa bayang ito noong ika-3 ng Setyembre.

Ang naturang programa ay mas kilala sa dating tawag na e-Alkansya Program kung saan awtomatikong binabawasan ng kanilang buwanang kontribusyon para sa SSS ang mga job order at contractual employees ng isang tanggapan.

Sa ilalim ng programa,sisiguruhin ng lokal na pamahalaan na regular na mababawasan at maibabayad sa SSS ang buwanang kontribusyon ng kanilang mga empleyado na kasali dito.

Kasama sa mga lumagda sa MOA sina SSS Vice President for Southern Tagalog Nilo Despuig,SSS Batangas Branch Head Engr. Edwin Igharas, San Pascual Mayor Rhoanna Conti at Municipal Administrator Manuel Mendoza..

Sa mensahe ni VP Despuig,binigyang diin nito ang patuloy na de-kalidad na serbisyong maaaring ibigay ng SSS sa kanilang mga miyembro gayundin ang mga benepisyo sa pagiging miyembro nito.

Nagpahayag naman ng pasasalamat si Engr. Igharas sa pakikipagtulungan ng Sangguniang Bayan upang maipasa ang resolusyon na ngsusulong ng programang ito sa naturang bayan.

Ayon kay Mayor Conti,nagpapasalamat din sya sa tanggapan ng SSS dahil ito ang kaunang KaltaSSS-Collect program at sinabing dahil sa self-employed status maaaring ituloy ng mga ito ang kanilang hulog kung pipiliin nilang hindi na maglingkod sa lokal na pamahalaan.

May 79 na job orders ang inisyal na nakibahagi dito ngunit inaasahang madaragdagan ito dahil sa pahayag ng iba pang JO employees ng kanilang interes na maging bahagi ng programa.

Mag-iisyu ang SSS ng agency reference number para dito kung saan nakalista ang mga pangalan ng JO employees at ang bayad ay diretso sa SSS Batangas branch habang hindi pa naiisaayos ang payment scheme sa mga tellering banks na accrtedited ng SSS.|#BALIKAS_News

Batangas Province, nakilahok sa Philippine Travel Mart 2018

0

SA layuning lalo pang pagyamanin ang industriya ng turismo sa lalawigan, nakilahok ang Lalawigan ng Batangas, sa pangunguna ng Provincial Tourism and Cultural Affairs Office (PTCAO), sa idinaos na 29th Philippine Travel Mart na ginanap noong ika-31 ng Agosto hanggang ika-2 ng Setyembre sa SMX Convention Center, Pasay City.

Sa Rich Batangas, the fun continues. Ipinakita ng booth ng Batangas Province sa idinaos na 29th Philippine Travel Mart na ginanap noong ika-31 ng Agosto hanggang ika-2 ng Setyembre 2018 sa SMX Convention Center, Pasay City ang buhangin mula sa mga beach o bay clusters na matatagpuan sa iba’t ibang munisipalidad at lungsod sa lalawigan, ang sikat na Kapeng Barako at ang iba’t ibang prutas na ipinagmamalaki at matatagpuan sa lalawigan. Photo: PTCAO

Ang Philippine Travel Mart (PTM) ang longest-running travel exhibition sa bansa na itinatag ng Philippine Tour Operators Association (PHILTOA) sa pakikipagtulungan sa Department of Tourism (DOT).

Mahigpit na nakatuon ang PTM sa pagsulong ng turismo sa loob at labas ng bansa. Ang taunang kaganapan ay nagpapakita ng mga destinasyon ng Pilipinas at na-update na mga handog ng produkto sa paglilibot para sa mga bisita sa loob at labas ng bansa.

Kaugnay ng temang “New Paradise Found… And the fun continues,” ipinakita ng booth ng Batangas ang buhangin mula sa mga beach o bay clusters na matatagpuan sa iba’t ibang munisipalidad at lungsod sa lalawigan.

Itinampok din sa booth ang sikat na Kapeng Barako ng Batangas pati na rin ang iba’t ibang prutas na ipinagmamalaki at matatagpuan sa lalawigan.

Mula sa 215 na exhibitors noong nakaraang taon, naitalang 250 ang exhibitors na nakilahok nitong 29th PTM na sumakop sa 3,400 square meters na exhibition space sa SMX Convention Center.

Ang 29th Philippine Travel Mart ay nagtataguyod ng tuluy-tuloy at walang hangganan na paglalakbay sa loob ng ASEAN, kaya ang mga destinasyon ng ASEAN at Philippine tour packages ang isa sa mga naging highlights sa event.|Marinela Jade Maneja

Shell Tabangao Refinery fortifies environmental stewardship initiatives

0

By JIM PALMA

VOLUNTEERS become environmental catalysts by participating in the refinery’s environmental protection and safeguarding efforts.

Shell Tabangao Refinery conducts a Tree Planting Activity in partnership with the City Environment and Natural Resources (ENRO) as part of its Environmental Stewardship program and in response to the severe impacts of Global Warming and Climate Change to the environs nowadays.

Driven by the belief that everyone can be part of the solution, almost 80 staff, contractors and interns in assistance with Pilipinas Shell Foundation Inc. (PSFI) volunteered and planted a total of 250 Ylang-ylang seedlings along the Refinery’s Residential Compound.

Katrina Leigh Cortez of City ENRO leaving a timely message on the significance of tree planting.

Refinery Production manager Elfren Dizon says that tree planting initiatives create a huge and positive impact to the world we live in. Considering the long-term effect, he cited that the quality of life for the next years to come depends on our decisions and actions today.

As time passes by, we can see the effects of our ignorance on the possible effects of our actions. Mankind in this present time has already spent the environmental resources that must have been preserved and stored for the future. And if we don’t do anything now, not just our families and our friends but the whole world in general will suffer”, he shared.

Very positive on the outcome, he underscored that everyone has their respective roles of making Earth a habitable home for humanity.

The tree planting is supported by the Barako Project. Thru Barako, Shell will enable the refinery to produce Bitumen to meet both Shell Philippines domestic and export demand.

Also, the activity is considered as a key on waving refinery’s carbon emissions and preserving the environs through sustainable practices.

In addition, Shell Tabangao Refinery and PSFI, Shell’s social investment arm is currently undertaking the Carbon Sink Project at Dolores, Quezon which aims to establish and implement reforestation program by planting 100,000 endemic and indigenous species of tree seedlings in approximately 50 hectares land of Dolores Quezon.

A testament of Shell’s commitment on managing its environmental impacts to the community not only by developing smarter and cleaner products, but also through programs that nurtures environmental awareness and generate support from the organization.

External Relations manager Darlito Guamos says that the pledge on creating a safe and greener environment for the community will always be one of the top priorities of the company.

We already know the possible impacts. What we need to do now is formulate the solutions. The key towards a clean and healthy community lies within our hands”, he shared.

Leona Visco, Oil Movements Operator and one of the volunteers of the activity believes that it’s not only important to urge as many people not only to volunteer but to also instill and make them understand the need to do it.

Our environment has been rapidly being degraded the past years, and it seems the rate will be increasing in the periods to come unless we try to start positive change within ourselves. Let’s all be environmental catalysts”, shared Visco.|#BALIKAS_News