27 C
Batangas

Cayetano, gustong i-maximize ang 2024 national budget para sa mas maraming oportunidad sa mga Pilipino

Must read

- Advertisement -

Binigyang-diin ni Senador Alan Peter Cayetano nitong Miyerkules ang kahalagahan ng pagtiyak na tunay na sumasalamin ang 2024 National Budget sa layunin ng pagbibigay ng pantay na pagkakataon para sa lahat ng Pilipino.

Sa ikalawang araw ng Senate briefing ng Development Budget Coordinating Committee (DBCC) sa panukalang P5.768 trilyong pambansang budget para sa 2024, ipinakita ni Senator Alan Peter Cayetano ang kanyang suporta sa pagpapahusay ng sektor ng edukasyon sa bansa.

Binigyang-diin niya ang mahalagang papel ng isang malakas na sistema ng edukasyon bilang pundasyon ng pantay-pantay na mga oportunidad. Sa pamamagitan nito, mabubuksan ang daan para sa mas maraming Pilipino na magkaroon ng magandang trabaho at tiyak na kinabukasan.

“All of us live in a country where your last name and where you were born matters. This is why the government is here as second parents to try to equalize opportunities,” sabi ng independent senator.

“We all agree that when the education system becomes number one [in the budget priority], talagang gaganda ang buhay ng mga Pilipino. Much more opportunities will come,” dagdag niya.

Binanggit ni Cayetano ang halimbawa ng Lungsod ng Taguig na nagbibigay ng prayoridad sa edukasyon.

“In Taguig, we have P800-900 million in scholarships and 88,000 scholars. Wala nang pinipili. Basta pagka-graduate mo, automatic may P15,000 ka. Kapag honor student, mayroon kang P10,000 more. If you are a priority school or course, you get P250,000. We used to have 20 students in UP Diliman, but now we have at least 700 at any point in time because they get P50,000, no questions asked,” sabi niya.

Itinuro ni Cayetano ang isang probisyon sa Konstitusyon na nag-uutos sa Estado na magtalaga ng pinakamataas na prayoridad sa budget sa edukasyon. Aniya, kailangang tiyakin ng DBCC na ang budget sa edukasyon ay laging mananatiling mas mataas kaysa sa ibang mga departamento.

“Can we ensure na hindi siya mas mataas sa kabuuang tatlong education sectors – TESDA (Technical Education and Skills Development Authority), CHED (Commission on Higher Education), at Department of Education? Dahil ayaw nating kwestyunin ang Bicameral Committee o hindi iboto o kwestyunin sa Korte Suprema,” tanong ni Cayetano kay Budget and Management Secretary Amenah Pangandaman, na sumang-ayon naman sa kanya.|

- Advertisement -
- Advertisement -

More articles

HEEDING the president’s call to provide assistance to victims of calamities, the Government Service Insurance System (GSIS) has opened its emergency loan window until March 15 to aid GSIS members and pensioners adversely affected by the flooding in the...
Maxim, one of the major network companies in the Philippines, has obtained Certificate of Accreditation as Transport Network Company from the Department of Transportation and the Land Transportation Franchising and Regulatory Board (LTFRB). The company is now announcing the...
ARE you looking for a partner vehicle for your business? Look no more; we have the Bajaj Maxima Cargo to help you be "Ahead of the game" in business! Let's find out how the Bukid ni Juan, owned by...
- Advertisement -

Latest article

- Advertisement -