33.9 C
Batangas

Gunman sa pagpaslang sa election officer, kinasuhan na

Must read

- Advertisement -

By JOENALD MEDINA RAYOS

BAUAN, Batangas – KINASUHAN na ng pulisya ang itinuturong gunman o suspek sa pagpatay kay Noel Miralles, Municipal Election Officer ng bayan ng Mabini, noong Lunes sa bayang ito.

Nasa harap ng Citimart mall sa kahabaan ng Kapitan Ponso St., sa bayang ito noong Lunes ng hapon ang biktima at nag-aabang ng masasakyang dyip pauwi sa Lunsod Batangas nang biglang lapitan ng isang lalaki at pinagbabaril gamit ang kalibre .45 baril.

Kaagad naman siyang isinugod sa Bauan General Hospital ngunit hindi na ito nakaabot pa ng buhay sa nasabing pagamutan ayon kay Dr. Aries J. Bautista, attending physician.

Dahil dito, kaagad na binuo ni Police Senior Superintendent Edwin Quiltes, provincial director, ang Special Investigation Task Group (SITG) at kinabukasan rin ay kaagad na tumawag ng kumpiresnya upang tugisin ang maaaring may pananagutan sa krimen.

Matapos tumugma sa facial sketch ang umano’y suspeks a pagpatay batay sa mga nakasaksi, kinilala lamang sa tawag na alyas Bayawak ang naturang suspek na umano’y sangkot din sa sindikato ng gun for hire.

Miyerkules ng hapon, isinampa na sa Office of the Provincial Prosecutor sa Batangas City ang kasong murder laban sa suspek samantala ay patuloy ang malalimang imbestigasyon ng SITG MIRALLES para sa ikadarakip ng suspek at ang pagtuklas sa iba pang maaaring may pananagutan sa naturang krimen.|#BALIKAS_News

- Advertisement -
- Advertisement -spot_imgspot_imgspot_imgspot_img

More articles

THERE is something deeply unnerving about walking into a classroom a week before elections and hearing college students shrug off voting as if it...
NAKATITIYAK na ang publiko sa tuluy-tuloy na serbisyo, lalo na sa larangan ng programang pangkalusugan hatid ng AnaKalusugan Party-List, ngayong patuloy na kabilang sa...
Ukay-ukay business in the Philippines has been surprisingly resilient over the past decades, thanks to the ever-adapting fashion tastes of the locals. I have...
- Advertisement -

Latest article

- Advertisement -