25 C
Batangas

Imee: ‘U.S., dapat lang magbayad ng patas sa paggamit ng Ph military bases’

Must read

- Advertisement -

IDINEPENSA ni Senador Imee Marcos ang paninindigan ni Pangulong Duterte na karapat-dapat lang magbayad ng patas ng U.S. sa Pilipinas dahil sa delikadong papel nito sa pagbibigay ng unang depensa sa Amerika sa Indo-Pacific region.

“Hindi lang nabibigyan ng Pilipinas ang American forces ng unang depensa sa Indo-Pacific region kundi pati paggamit nila sa tubig at kuryente sa ating mga military bases ay binabayaran din natin,” ani Marcos.

“Napakaraming Pilipino ang hindi kayang magbayad sa tubig at kuryente ngayong may pandemya. Itutuloy pa rin ba ang subsidiya sa mga Amerikano? Tanong ni Marcos, sabay banggit sa U.S. military benefits na nakasaad sa Article 7 ng Enhanced De-fense Cooperation Agreement (EDCA).

Isinulong muli ni Marcos ang pagsuri sa EDCA dahil napapaikutan ng Amerika ang prohibisyon sa ating Konstitusyon sa mga foreign military bases sa bansa.

Dagdag ni Marcos, ang dating bayad sa ating gobyerno bago mapaalis ang mga U.S. bases halos tatlong dekada nang nakaraan ay naiiwasan din ng Amerika.

“Kahit ang mga superpower nangangailangan din ng mga kaibigan, at ang bagong pagtingin ng Amerika sa Asia-Pacific ay nagpapatibay sa malaking ginagampanan ng ating rehiyon at ng Pilipinas,” ani Marcos, bilang sagot sa batikos kay Presidente Duterte na ang paghingi ng patas na bayad ay pangingikil.

Sumang-ayon ang sena-dora sa Presidente na ang $3.9 bilyon na ibinabayad ng Amerika sa Pilipinas noong 2001 hanggang 2017 ay napakaliit kumpara sa $16 bilyon na ibinabayad sa Pakistan.

“Natatakot ang Amerika na kapag bumagsak ang gobyerno ng Pakistan, ang 150 nuclear warheads nito ay magagamit ng Taliban laban sa Amerika,” ani Marcos.

“Kung wala ang Pilipinas, ang kalakal ng Amerika pati na ang mga pangako nito sa seguridad ng rehiyon ay hihina. Ngunit dahil sa pagtanggap natin sa U.S. forces, magiging target naman ang Pilipinas ng mga kalaban ng Amerika, kahit hindi tayo direktang kasali sa anumang gyera na maaring pumutok sa ating rehiyon,” dagdag ni Marcos.

“Kung susugurin ng China ang Taiwan dahil sa pagsulong nito ng indepen-dence, hindi gaano magiging mabilis ang pagresponde ng Amerika dahil manggagaling pa ng Japan, South Korea, Guam o Australia ang mga pwersa ng military nito,” paliwanag ni Marcos.

Dagdag pa ni Marcos, maaring gamitin ng Amerika ang mga human rights issues upang tawaran sa isang isyu na dapat pangseguridad lamang.| – BALIKAS News

- Advertisement -
- Advertisement -

More articles

The 67th Session of the Commission on the Status of Women held on 6-17 March 2023 at the UNMHeadquarters in New York gathered representatives of member states, UN entities and non governmental organizations for the first in-person session since...
THE fans and critics have spoken. “AIR” is a real winner.  “AIR,” directed by Ben Affleck and featuring a star-studded cast led by Matt Damon, closed out the South by Southwest Festival to a wild standing ovation and rave reviews...
By JOENALD MEDINA RAYOS MOTORISTS and commuters plying the Balagtas-Bolbok Diversion Road in Batangas City who are always caught in heavy traffic especially during rush hours may find solace in the near future as the Depart-ment of Public Works and...
- Advertisement -

Latest article

- Advertisement -