26.3 C
Batangas

Mayor’s Cup 2018, matagumpay na binuksan

Must read

- Advertisement -

BATANGAS City — BINIGYANG-DIIN ni Mayor Beverley Rose A. Dimacuha ang kahalagahan ng teamwork, sportsmanship at camaraderie sa pormal na pagbubukas ng Mayor’s Cup 2018 sa Batangas City Sports Coliseum, Abril 8.

Sinabi ni Dimacuha na “maraming benepisyong makukuha sa paglalaro ng sports, hindi lamang sa pangkalusugan kundi maging sa paghuhubog ng self-discipline.”

“Nagsimula tayo ng maayos, kaya’t inaasahan ko na matatapos tayo ng maayos at mapayapa kagaya ng mga nakaraang edisyon ng Mayor’s Cup. Isa ito sa mga pioneer projects ng administrasyon simula pa sa panahon ni Mayor Eddie, kaya’t buong-buo ang suporta namin sa larangan ng sports,” dagdag pa ng Mayor.

Dumalo rin dito si Congressman Marvey Marino kung saan sinabi niya na “layunin ng Mayor Beverley Rose A. Dimacuha Cup na ma-develop hindi lamang ang galing ninyo kundi higit sa lahat ang tamang pag-uugali o attitude sa paglalaro ng basketball. Sabi ko nga sa team ng Batangas City sa Maharlika Cup, kahit hindi tayo manalo, ang mahalaga maibigay natin ang buong puso natin sa paglalaro dahil ito ang tatak ng mga Batangenyo.”

Inihayag rin niya na kung sinuman ang tatanghaling Most Valuable Player (MVP) ng Seniors Division, bibigyan ito ng pagkakataong mapasali sa line-up ng Batangas City Tanduay Athletics na kumakampanya sa MPBL. Ikinatuwa naman ito ng lahat ng mga players.

Para sa basketball, mayroong 12 teams para sa Senior’s Division na may age bracket mula 20-39 years old, samantalang 22 koponan naman ang kalahok sa Juniors Category na may age bracket mula 19 years old pababa. Tatlong teams ang nabuo para sa Midget Division na may age bracket mula 12 years old pababa.

May 12 teams ang sumali sa Volleyball Men, at anim para sa Volleyball Women. Mayroon namang tatlong koponan ang lumahok para sa baseball at isa naman para sa softball.

Tinanghal na Best Muse ng liga si Danielle Ambida mula sa Barangay Alangilan. Siya ay tumanggap ng P2,000, sash at tropeo.|#BALIKAS_News

- Advertisement -
- Advertisement -

More articles

Brace up for possible power outage should current energy supply situation worsen as 19 power plants are on forced outage, the National Grid Corporation of the Philippines (NGCP) warns. In an advisory issued early Tuesday, the transmission operator said the...
Aboitiz Construction has been selected to undertake various construction and maintenance projects within the Aboitiz Group. Leveraging the firm's expertise and proven track record in the construction industry, it complements the expansion requirements of the Aboitiz business units. With Aboitiz...
In February 2024, the UP Diliman College of Science Institute of Biology (UPD - CS IB) housed the “Making the Invisible Visible” pop-up exhibition of the citizen science project, Bird Window Strike Philippines.  Featuring the feathered remains of unlucky birds...
- Advertisement -

Latest article

- Advertisement -