25.6 C
Batangas

On Record: Single casualty sa Taal eruption, iniulat

Must read

- Advertisement -

By JOENALD MEDINA RAYOS

SAN NICOLAS, Batangas – NAKUMPIRMA na ng otoridad ang una at kaisa-isang casualty sa pagputok ng bulkang Taal noong Enero 12, 2020 matapos matagpuan nitong Sabado ang isa sa mga napaulat na nawawalang residente ng Taal Volcano island, sakop ng Barangay Alas-as, bayang ito.

Ayon sa ulat ng San Nicolas Municipal Police Station, nakatanggap sila ng tawag dakong alas-tres ng hapon nitong Sabado, Pebrero 15, ukol sa umano’y nakitang bangkay ng isang lalaking nakadapa sa isang bangkang pangisda sa pampang ng volcano island na nalubog sa may isang (1) metrong kapal ng nanigas ng abo.

MAHIGIT isang buwang nalibing sa may isang metrong kapal ng abo ang biktimang si Marlon Deteral, 26, bago nakita ang matigas niyang bangkay, Pebrero 15.|GHADZ RODELAS

Matapos suriin ang naturang bangkay, nakilala ang biktimang si Marlon Deteral, 26-anyos na positibong kinilala ng kaniyang amaing si Christopher Deteral sa pamamagitan ng isang tattoo (parrot) sa katawan ng biktima.

Nabatid na natagpuan ang bangkay ni Deteral na nakadapa sa bangka na indikasyong maaaring gusto nitong takasan ang nagngangalit na bulkan na mabilis na itinaas ang alert status mula Level 1 hanggang Level 4 sa loob lamang ng ilang oras.

Ayon sa isang magkakatiwalaang source, dumalo pa umano sa isang kasalan ang biktima noong araw na pumutok ang bulkan. Nakatakda sanang magdiwang ng kaniyang ika-26 na kaarawan ang biktimang si Marlon nitong Sabado, araw kung kailan natagpuan ang kaniyang bangkay.

Samantala, nananatili pa ring ‘Missing Person’ sa tala ng otoridad ang isa pang kabarangay ni Deteral na nakilalang si Alexander Dando, Jr. Huli siyang nakita noong Enero 12, 2020, ang araw kung kailan pumutok ang Bulkang Taal.|-BALIKAS News Network

Photos by GHADZ RODELAS

- Advertisement -
- Advertisement -

More articles

Cavite-based small enterprises Absmush Mushroom and Project Beans Trading receivedHalal Certification from the Malaysian Halal Consultation and Training Agency –International Halal Integrity Alliance (MHCTA-IHIA) for Halal Standards. Executive DirectorProf. Dr. Rafek Saleh of the MHCTA-IHIA and Director/Consultant Dr. Jane...
CALAMBA City, Laguna - A quadripartite Memorandum of Agreement among the Department of Environment and Natural Resources CALABARZON Region, Tribal Council Association of Puray Inc. (TCAPI), Bamboo Professionals Inc. (BPI), and Rotary District Club 3780 for the adoption of...
Aboitiz Power Corporation (AboitizPower) is strengthening its bid to grow its RE portfolio in the next decade with plans to build a binary plant in Tiwi, Albay. Through its subsidiary AP Renewables, Inc. (APRI), the company is set to construct...
- Advertisement -

Latest article

- Advertisement -