27.8 C
Batangas

Pagpapatupad ng Batangas Transport and Road Usage Code, tinalakay muli sa kapitolyo

Must read

- Advertisement -

ISANG pagpupulong at konsultasyon ang muling isinagawa kaugnay sa pagbabalangkas sa Implementing Rules and Regulations (IRR) ng Batangas Provincial Ordinance No. 008 o ang Batangas Transport and Road Usage Code sa Provincial Planning and Development Conference Room, Capitol Compound, Batangas City, Agosto 16.

Ang nasabing ordinansa ay naglalayong maisaayos ang transportasyon, batas trapiko at paggamit ng lansangan sa buong Lala-wigan ng Batangas, na iniakda ni 5th District Board Member Arthur “Bart” Blanco at sinusugan ng Sangguniang Panlalawigan ng Batangas nitong panimula ng taong 2019. Pormal itong naging batas, nang lagdaan ni Gov. DoDo Mandanas noong ika-4 ng Marso 2019.

Ang pagpupulong na pinangunahan ni retired Col. Anicieto S. Malapitan ng Provincial Public Order and Safety Department (PPOSD) ay nagbigay daan sa isang malayang tanungan at talakayan sa pagitan ng iba’t ibang transport groups at stakeholders upang maging malinaw ang nilalaman at isinasaad ng nasabing panlala-wigang ordinansa.

Ayon sa may-akda ng ordinansa, mahalagang maipatupad na ang batas upang makapaghatid ito ng kaayusan sa lalawigan patungo sa isang maunlad na ekonomiya.

Binigyang-diin nito na makatu-tulong ang batas sa pagsasaayos ng daloy ng trapiko, at pag-aalis ng mga poste at pagbabawal gawing paradahan ng mga trak ang mga pinaluwang na mga kalsada sa lalawigan.

Naging obserbasyon naman ni Batangas City Councilor Nestor Boy Dimacuha na kakailanganin ang political will, barangay intervention, at kooperasyon upang maging matagumpay at epektibo ang pagpapatupad ng nasabing ordinasa.

Dumalo sa pagpupulong ang iba’t ibang transport groups sa lalawigan, mga focal persons ng local government units (LGUs), mga opisyal ng LGUs, Department of Public Works and Highways (DPWH), Philippine National Police (PNP) Batangas, PNP Highway Patrol Group, at Land Transportation Office (LTO).
Nakiisa rin sa pagtitipon sina 5th District Senior Board Member Claudette Ambida-Alday, Provincial Planning and Development Office head Benjamin Bausas.

Pahayag ni Col. Malapitan, buo ang suporta ng PPOSD at ni Gov. Dodo Mandanas sa pagpapadali ng implementasyon ng ordinansa.| – JunJun De Chavez

- Advertisement -
- Advertisement -

More articles

TAGUIG CITY, Metro Manila — AP Renewables Inc. (APRI), a subsidiary of Aboitiz Power Corporation,  recently signed the Engineering, Procurement, and Construction (EPC) agreements for its 17-megawatt (MW) binary geothermal power plant Tiwi, Albay. APRI awarded the EPC contracts to...
What used to be a remote and virtually uninhabited area in Barangay Rio Tuba, town of Bataraza, in the southernmost tip of the province of Palawan, has evolved into a bustling community of over 17,000 people. The days when there...
Aboitiz Power Corporation (AboitizPower) and Manila Electric Company (MERALCO), two of the country’s leading power companies, recently partnered to mount a medical mission for over 200 employees and their dependents at the Cavite Economic Zone (CEZ). The event is part...
- Advertisement -

Latest article

- Advertisement -