29.4 C
Batangas

Pagsusulong sa People’s Initiative, suportado na ng LMP at LnB

Must read

- Advertisement -

NAGPAHAYAG na nang pagsuporta ang Liga ng mga Munisipalidad sa Pilipinas (LMP) at Liga ng mga Barangay sa Pilipinas (LnB) sa isinusulong na People’s Initiative (PI) bilang paraan upang maamyendahan ang ilang mga probisyon ng Konstitusyon ng Pilipinas.

Ang PI ay isa sa tatlong paraan ng pag-amyenda ng Konstitusyon, bukod sa constituent assembly at constitutional convention. Dito ay magkakaroon ang taumbayan ng pagkakataon upang baguhin, ipasa at maipanukala ang mga pagbabago.

Ang suporta ng dalawang liga ay labis na ikinatuwa ni Batangas Governor Dodo Mandanas, isa sa mga nangunguna sa nasabing pagkilos na nagsusumikap na mas mapalakas pa at mapagtibay ang lokal na otonomiya sa buong bansa upang maihatid ang mga pangunahing serbisyo at programa ng mas mabilis at maayos.

Ang LMP at LnB ay mga liga na tumatayong national representatives sa pagtataguyod ng lokal na agenda. Ito ay binubuklod ng ULAP o Union of Local Authorities of the Philippines na kinikilala bilang umbrella organization ng lahat ng liga at samahan ng Local Government Units (LGUs) sa bansa at ng mga locally elected officials.

Matatandaan noong Agosto ay nagpasa ang ULAP ng isang resolusyon na kumikilala at nagpapahayag ng suporta kay Governor Mandanas sa pagsusulong ng karapatan ng mga LGUs na magkaroon ng “just share” o wastong kabahagi ng Internal Revenue Allotment (IRA), alinsunod sa isinasaad sa batas.

Samantala, patuloy ang isinasagawang information campaign upang maipabatid sa publiko kung ano ang kahalagahan ng layunin ng People’s Initiative na nag-umpisa na sa ilang mga munisipalidad at barangay sa Lalawigan ng Batangas.|Mark Jonathan M. Macaraig

- Advertisement -
- Advertisement -

More articles

THE Armed Forces of the Philippines (AFP) and the U.S. military will conduct the 39th iteration of Balikatan, the largest annual bilateral training exercise between the two Allies, from April 22 to May 10.  The exercise directly supports the...
Brace up for possible power outage should current energy supply situation worsen as 19 power plants are on forced outage, the National Grid Corporation of the Philippines (NGCP) warns. In an advisory issued early Tuesday, the transmission operator said the...
Aboitiz Construction has been selected to undertake various construction and maintenance projects within the Aboitiz Group. Leveraging the firm's expertise and proven track record in the construction industry, it complements the expansion requirements of the Aboitiz business units. With Aboitiz...
- Advertisement -

Latest article

- Advertisement -
Balikas News Network