29.2 C
Batangas

Serbisyo ng munisipyo, inihatid sa barangay ng e-PUSO on Wheels

Must read

- Advertisement -

STO. TOMAS, Batangas – AGARANG pinakikinabangann ng mga mamamayan sa mga barangay na sakop ng bayang ito ang E-Puso on Wheels o ang “EPS Public Service and Offices on Wheels”, kasunod ang matagumpay na paglulunsad nito sa Barangay Sta. Cruz bilang pilot barangay noong Biyernes-a-trese, Abril 13.

Ito ang mas pinalawak at mas pinalaking programa ng Community Based Health and Social Services Program ng Pamahalaang Lokal ng Sto. Tomas sa pangunguna nina Punumbayan Edna P. Sanchez, at mga kasapi ng Sangguniang Bayan sa pangungun ani Panglawang Punumbayan Armenius O. Silva.

Hatid nito ang iba’t ibang serbisyo tulad ng libreng Medical Check-Up with medicines and vitamins, Dental tooth extraction with medicines, Eye Check Up with prescription eye glass, feeding program, legal services and assistance, employment referrals, veterinary services, seeds distribution, birth registration, DTI Negosyo Center, free haircut, massage, manicure, pedicure at marami pang iba.

IPINALILIWANAG ni Mayor Edna P. Sanchez sa kaniyang mga constituents ang mga serbisyong inihahatid ng E-PUSO on Wheels.|Photo Credit: ELLAINE M. CHAVEZ

Prayoridad ng programang ito ang mga senior citizens, mga kabataan, mga buntis at mga nangangailangan ng agarang serbisyo medical. Mayroong special lane kung saan unang binibigyang serbisyo ang mga person with disabilities. Namahagi din ng mga freebies at special gifts sa mga dumalo na nagbigay kasiyahan sa mga ito.

Bahagi din ng programang ito ang segment na “Tanong po ninyo, Sagot po namin” kung saan direktang sumasagot ang mga department heads at mga staff ng iba’t ibang departamento at opisina ng munisipyo sa mga katanungan, komento at mga suhestiyon ng ating mga ka-barangay.

Kaalinsabay din nito ang Information Education Campaign, ukol sa iba pang libreng serbisyo at program tulad ng on-going EPS Scholarship and Educational Assistance, Kasalang Bayan, Job Fair, Medical and Burial Financial Assistance at iba pa.

Ito din ang panimulang hakbangin ng Office of the Mayor katuwang ang Office of the Municipal Administrator sa pagpapa-abot ng makabuluhang impormasyon hinggil sa mga magagandang benepisyo, programa at mas maraming proyekto hatid ng pagiging siyudad.

Target ng programang ito na mas mapalapit ang mga serbisyo ng munisipyo at abot-kamay itong maramdaman ng mga mamamayan at Pamilyang Tomasino. Lilibot ito sa lahat ng mga barangay, mga purok at mga sitio na nasasakupan ng bayang ito.

Samantala, mainit na suporta at pagtanggap ang ipinaabot ni Punumbarangay Edwin Mendoza at Sangguniang Barangay kasama ang mga volunteer workers nito dahil sa sila ang napiling maging pilot barangay at unang benepisyaryong programang ito.| May ulat ni Erich S. Rodillo

- Advertisement -
- Advertisement -

More articles

HOLD your horses! Corrida de Cavalos Cidade de Calaca once again ignites the interest of horse enthusiasts and devotees of Saint Raphael the Archangel. On March 27, 2024, Holy Wednesday, the city will hold its Festival of Horses at...
IBAAN, Batangas — KASABAY ng matunog na palakpakan na may kasamang sigawan ay tinanggap ng Maximo T. Hernandez Memorial Integrated High School ang tumataginting na P100,000.00 premyo bilang bagong kampeon sa mas pinakinang na Les Kuliembo Court Dance Competition...
Unmasked: An exhibit of photos from the field by Howie Severino and Atom Araullo I-Witness documentarists Howie Severino and Atom Araullo will share a selection of what they’ve seen in many years of coverage in a series of photo exhibits in...
- Advertisement -

Latest article

- Advertisement -