31.1 C
Batangas

Singilan ng pampublikong ospital at mga doktor, nilinaw ng PHO chief

Must read

- Advertisement -

By JOENALD MEDINA RAYOS

BATANGAS Capitol – PINAG-AARALAN ngayon ng pamahalaang panlalawigan, partikular ng Provincial Health Office (PHO), ang rate matrix ng mga pribadong doktor at iba pang mga espesyalista, na nagseserbisyo rin sa mga pampublikong pagamutan.

Ayon kay Dr. Rosvilinda Ozaeta, Provincial Health Officer, taong 2009 pa nagkaroon ng rate matrix ng mga serbisyong medikal at lubha itong malayo na sa umiiral na rate ng mga serbisyong medikal ng mga pribadong manggagamot.

Lumutang ang usaping ito nang usisain ni Philippine Councilors League (PCL)-Batangas president Leo Malinay na may mga pasyente ng mga pandistritong ospital sa lalawigan na bagaman at naiipasok sa zero billing status ay hindi naman umano makalabas ng ospital dahil sa hindi mabayarang professional fee ng mga pribadong doktor.

Ayon kay Ozaeta, bagaman at sila ay mga pribadong doktor, ang magiging singilan umano ng mga ito ay batay sa aprubadong rate matrix ng probinsya, kaya hindi dapat maging dahilan na hindi sila makalabas ng ospital dahil sa usapin ng professional fees.

Nilinaw rin ng opisyal na kung ang pasyenteng indigent ay kailangan talagang mai-confine ayon sa pagtaya ng doktor ngunit wala ng available na kama sa charity ward, ay ang mayroon lamang ay pribadong silid, maaari pa rin silang tanggapin sa pribadong silid bilang indigent, ngunit ipinaliliwanag din sa kanila na kakailanganin din silang ilipat sa charity ward kapag may bakante ng lugar dito.

Samantala, kung may bakante namang lugar o kama sa charity ward at ang pinili ng indigent patient ay pribadong kwarto, natural lamang na babayaran nila ang private room charges at hindi ito maituturing na zero billing case.| – BALIKAS News Network

- Advertisement -
- Advertisement -

More articles

THE Armed Forces of the Philippines (AFP) and the U.S. military will conduct the 39th iteration of Balikatan, the largest annual bilateral training exercise between the two Allies, from April 22 to May 10.  The exercise directly supports the...
Brace up for possible power outage should current energy supply situation worsen as 19 power plants are on forced outage, the National Grid Corporation of the Philippines (NGCP) warns. In an advisory issued early Tuesday, the transmission operator said the...
Aboitiz Construction has been selected to undertake various construction and maintenance projects within the Aboitiz Group. Leveraging the firm's expertise and proven track record in the construction industry, it complements the expansion requirements of the Aboitiz business units. With Aboitiz...
- Advertisement -

Latest article

- Advertisement -
Balikas News Network