28.9 C
Batangas

“Tanauan, 2018 Most Resilient Component City” – CMCI

Must read

- Advertisement -

By MARIA TERESA SILVA-BUÑO

PINATUNAYAN ng pamahalaang lunsod ng Tanauan na may dahilan upang patuloy itong maging best choice para paglagakan ng pamumuhunan o panirahan matapos kilalanin ng Cities and Municipalities Competitiveness Index (CMCI) Council sa katatapos na 6th Annual Regional Competitiveness Summit and Awards Ceremony sa Philippine International Convention Center (PICC), Agosto 16.

Sa nasabing okasyon, muling umarangkada at tinanghal ang Lunsod ng Tanauan bilang “Most Resilient Component City”.

Sa pangunguna ni City Mayor Jhoanna Corona-Villamor, City Vice Mayor Benedicto Corona, at mga miyembro ng Sangguniang Panlunsod, malugod na tinanggap ng pamahalaang lunsod ang plake ng pagkilala mula sa mga kinatawan ng CMCI Council sa pangunguna ng Department of Trade and Industry (DTI).

Ang CMCI ay isang pamantayan na binuo ng National Competitiveness Council sa ilalim ng pangangasiwa ng DTI upang gabayan ang mga mamumuhunan sa bansa kung saang lugar magandang maglagak ng kanilang negosyo, korporasyon o kompanya na makalilikha ng trabaho para sa mga mamamayan.

Ang CMCI ay binubuo ng apat (4) na “pillars” na kinabibilangan ng “Economic Dynamism,” “Government Efficiency,” “Insfrastructure,” at ang idinagdag noong nakaraang taon, ang “Resiliency.”  Ang mga haliging ito ang siyang sinusuri ng DTI sa mahigit 1,500 lokal na pamahalaan sa bansa na hinati sa apat (4) na kategorya: 3rd-6th class municipalities, 1st-2nd class municipalities, component cities at highly urbanized cities.

Ang “Resiliency Award” ay ipinagkakaloob sa mga lokal na pamahalaan na nakapagpamalas ng kapasidad na mangasiwa ng mga negosyo o industriya na nakapaglilikha ng trabaho at kapakinabangan, at nakapagpapalago ng kita ng mga mamamayan bagamat may matinding dagok sa buhay na nararanasan.

Kabilang sa mga sinuri sa lungsod sa ilalim ng “Resiliency Pillar” ang comprehensive land use plan; disaster risk reduction management plan kabilang ang annual disaster drill, early warning system, at utilization of DRRMP budget;  pagsusumite ng local risk assessments reports; emergency infrastructure; utilities; employed population;  at sanitary system.

Umabante naman sa pangkalahatang puwesto na ika-20 bilang “Most Competitive City” ang Tanauan sa taong ito kumpara sa mga nakamit nitong puwesto na ika-81 taong 2014 at ika-33 noong taong 2016.| #BALIKAS_News

Ang pamunuang lunsod ng Tanauan sa pangunguna ni City Mayor Jhoanna Corona-Villamor (gitna), City Vice Mayor Benedicto Corona. (ika-12 mula kaliwa), habang tinatanggap ang plake bilang “Most Resilient Component City” mula sa mga miyembro ng CMCI Council sa ginanap na 6th Annual Regional Competitiveness Summit and Awards Ceremony sa Philippine International Convention Center (PICC), Agosto 16. Kasama rin sa larawan ang mga miyembro ng Sangguniang Panlunsod na sina (L-R) SK Pres. John Kennedy Macalindong, Councilors Jon Magpantay, Herman Trinidad, Joseph Castillo, Lim Tabing, Sammy Platon, Jun Goguanco, Eric Manglo, Gileen Canobas-Manaig, ABC Pres. Kristina Gayanilo, Councilors Angel Atienza at Arthur Lirio kasama sina City Administrator Carlos Flores, City Information Officer Gerardo Laresma at mga kinatawan ng City Planning and Development Office na sina Jennifer Mora, Planning Officer III at Maria Noreen Ureta, Administrative Asst. III.| JUN S. MOJARES

 

- Advertisement -
- Advertisement -

More articles

THE Philippine entertainment industry lost another renowned actress, Jacklyn Jose, or Mary Jane Santa Ana Guck in real life. The iconic star, who was born on October 21, 1964 in Angeles, Pampanga was known was her exemplary performance as an...
HEEDING the president’s call to provide assistance to victims of calamities, the Government Service Insurance System (GSIS) has opened its emergency loan window until March 15 to aid GSIS members and pensioners adversely affected by the flooding in the...
Maxim, one of the major network companies in the Philippines, has obtained Certificate of Accreditation as Transport Network Company from the Department of Transportation and the Land Transportation Franchising and Regulatory Board (LTFRB). The company is now announcing the...
- Advertisement -

Latest article

- Advertisement -