26.4 C
Batangas

TB mass screening prayoridad ang matatanda at may diabetes

Must read

- Advertisement -

By LIZA PEREZ DE LOS REYES

BATANGAS City — PRAYORIDAD ngayon ng City Health Office (CHO) ang may 200 senior citizens at may sakit na diabetes mellitus sa isinasagawang tuberculosis mass screening upang tuldukan ang sakit na ito.

Ayon kay City Health Officer Rosanna Barrion, ang mga matatanda at diabetic ang mga vulnerable o madaling kapitan ng tuberculosis kayat ang mga ito ang tinarget nila para sa TB mass screening.

May nakuha silang 900 na TB cases noong 2017 at patuloy nila itong ginagamot ng libre hanggang anim na buwan sa ilalim ng kanilang Tuberculosis Control and Prevention Program.

Sinabi ni Dr. Barrion na hindi dapat itago o ikahiya ang nakamamatay at nakahahawang sakit na ito sapagkat madali itong gamutin. Ang CHO personnel ay tutok ang gamutan sa mga identified cases at tinutulungan ng Department of Health (DOH) sa pagbibigay ng gamot sa mga local government units.

Upang maiwasan ang tuberculosis, payo ni Dr. Barrion na kumain ng masusustansiyang pagkain, mag-ehersisyo, magkaroon ng sapat na tulog at disiplina sa sarili upang makaiwas sa mga bisyo at magkaroon ng healthy lifestyle.

Target aniya ng DOH na mapalawak pa ang paghahanap ng mga taong may tuberculosis upang magamot ito at tuluyan ng maging TB-free ang bansa.

Isa sa mga pasyente si Lorna Paala ng Maalbo Dela Paz, 31, at may pitong anak. Aniya, karaniwang pananakit ng likod, pag-uubo at sakit ng ulo ang kanyang nararamdaman kaya binalewala nya ito. Subalit habang tumatagal ay tumitindi ang kanyang pag-ubo, nagkakaroon ng lagnat at nakakaramdam ng panghinhina kayat agad siya nagpunta sa CHO upang mag pakonsulta at dito siya na diagnosed na may tuberculosis. Tatlong buwan na siyang ginagamot at bumubuti na ang kalagayan.

Katuwang ng CHO sa TB mass screening na ito ang DOH, Provincial Health Office at Philippine Business Social Progress na siyang may dala ng RAD Tech Van kung saan isinagawa ang X-ray ng mga pasyente.| #BALIKAS_News

- Advertisement -
- Advertisement -

More articles

HOLD your horses! Corrida de Cavalos Cidade de Calaca once again ignites the interest of horse enthusiasts and devotees of Saint Raphael the Archangel. On March 27, 2024, Holy Wednesday, the city will hold its Festival of Horses at...
IBAAN, Batangas — KASABAY ng matunog na palakpakan na may kasamang sigawan ay tinanggap ng Maximo T. Hernandez Memorial Integrated High School ang tumataginting na P100,000.00 premyo bilang bagong kampeon sa mas pinakinang na Les Kuliembo Court Dance Competition...
Unmasked: An exhibit of photos from the field by Howie Severino and Atom Araullo I-Witness documentarists Howie Severino and Atom Araullo will share a selection of what they’ve seen in many years of coverage in a series of photo exhibits in...
- Advertisement -

Latest article

- Advertisement -