By JOENALD MEDINA RAYOS
LIPA City — LIMANG katao, kabilang ang isang opisyal ng barangay, ang inaresto ng mga tauhan ng Lipa City Police Station sa Barangay Anilao Proper, sakop ng lungsod na ito, dahil sa umano’y mga paglabag sa Omnibus Election Code at Comelec Resolution No. 10429, nitong Lunes ng umaga.
Sa nakalap na impormasyon ng BALIKAS News, naaktuhan ng mga tauhan ng pulis-Lipa City ang mga naaresto na namamahagi ng mga tarheta at sample ballots ilang metro ang layo sa mga presinto.
Kinilala ni PLtCol Ramon Balauag ang mga naarestong sina (1) JULIAN RODEL LAYGO y Mandigma, 58, may-asawa, Barangay Councilor; (2) DOLORES SORIANO y Paradillo, 45, mananahi; (3) GREGORIO CAGUITLA y Alido, 41, tambay; (4) DIANE DELA ROSA y Magadia, 23, dalaga; at (5) MARIVIC CONTRERAS y Masupil, 33, may-asawa, tambay, –pawang mga residente ng nasabing barangay.
Kaagad na dinala sa presinto ng pulisya ang mga nabanggit na arestadong indibidwal para sa patuloy na pagsisiyasat.|#BALIKAS_News
