27.2 C
Batangas

Startoll-Pinamucan Diversion Road, flood control projects, retaining walls prayoridad ng Batangas 2nd DEO

Must read

- Advertisement -

KASABAY ng panawagan sa publiko na maunawaan ang mga pag-sisikip sa daloy ng trapiko saan mang may mga on-going infrastructure projects, tiniyak naman ni District Engineer Sonia Paglicauan ng Batangas 2nd District Engineering Office na malaking idudulot na ginhawa sa sektor ng transportasyon ang mga kasalukuyang proyekto ng ahensya.

District Engineer Sonia Paglicauan, Batangas 2nd DEO

Sa eksklusibong panayam ng Balikas News, tinukoy ni Engr. Paglicauan ang malalaking proyekto na tinututukan ng kanilang ahensya, kabilang na rito ang Startoll-Pinamucan Diversion Road na naglalagos mula sa bahagi ng Southern Tagalog Arterial Road (STAR) Tollway sa may barangay ng Tingga, na lalagos sa San Pedro, Dumantay, Sampaga, Sirang Lupa, Libjo, San Isidro, hanggang Pinamucan at magiging pangunahing daanan ng mga naglalakihang trak ng petrolyo at iba pang produkto papasok at palabas sa Batangas City Industrial Zone.

Ani Paglicauan, bagaman at habang ginagawa pa ang diversion road ay patuloy ang pagsisikip ng daloy ng trapiko sa bahagi ng Batangas-Manila Road at iba pang road networks sa lungsod, hindi naman maglalaon at ibayong kaginhawahan naman ang idudulot nito kapag natapos na ang diversion road.

Inihalimbawa pa ng opisyal ang naging sakripisyo ng mga motorista habang ginagawa ang Balagtas-Alangilan-Kumintang portion ng Batangas-Manila Road, ngunit laking kaginhawahan naman ang idinulot nang matapos na ang proyekto.

Bukod dito, patuloy na tinututukan ng 2nd District Engineering Office ang mga flood control projects sa Batangas-Mabini Road, Batangas-Tabangao Lobo Road at iba pang flood-prone areas, gayundin ang retaining walls sa kahabaan ng pampang ng Ilog Calumpang sa Batangas City.

Samantala, may dalawang landowners na lamang sa bahagi ng Batangas City-San Pascual-Bauan Diversion Road ang nananatiling hindi pa nareresolba ang road right of way issue kaya hindi pa tuluyang nakokongkreto ang ilang bahagi nito sa parte ng Barangay Balagtas, Batangas City; ngunit nakikita niya ang malaking kaginhawahan ng paglalakbay rito kapag natapos na ang nasabing proyekto.

Aniya pa, bagaman at ang Regional Office ng DPWH ang implementing agency ng ginagawang fly-over sa Balagtas Junction, patuloy naman ang kanilang pagtutok dito sapagkat kaugnay pa rin ito ng iba pang proyektong pang-imprastraktura ng distrito.|
Joenald Medina Rayos

- Advertisement -
- Advertisement -

More articles

Hyperbole, by its nature, amplifies our expressions, making the mundane magnificent and the simple, spectacular. Hereโ€™s one for the books. Imagine a fiesta in Iloilo, where the atmosphere is "charged with excitement thicker than a bibingka's sweet coconut topping." The...
The government is lumping up relief packages needed by local government units (LGUs) affected by Typhoon Carina and the southwest monsoon (Habagat). President Marcos revealed this during an ocular inspection in Malabon City on Thursday. Earlier in the day, the Chief...
A Philippine-flagged Motor Tanker (MT) Terra Nova capsized and eventually submerged at 3.6 nautical miles east off Lamao Point, Limay, Bataan, at around 1:10AM today, 25 July 2024, the Philippine Coastt Guard reported. PCG Spokesperson, CG Rear Admiral Armando Balilo,...
- Advertisement -

Latest article

- Advertisement -