26.1 C
Batangas

2020 Annual Budget ng Batangas, nabigong makalusot sa SP

Must read

- Advertisement -

BATANGAS Capitol – NAKABITIN pa ngayon sa Sangguniang Panlalawigan ang panukalang taunang budget ng pamahalaang panlalawigan ng Batangas, at hindi pa rin malinaw kung kailan ito tuwirang mapagtitibay.

Ito’y matapos bigong makalusot sa pagdinig ng Committee on Appropriation ng konseho ang umano’y proposed lumpsum appropriation para sa Capital Outlay ng lahat ng mga departamento na batay sa isinumiteng panukalang budget ay pawang kukunin sa P4-bilyong nakatakdang utangin ng lalawigan sa Development Bank of the Philippines (DBP).

Nabatid na kakaiba sa mga nagdaang taon, ang mga departamento ng pamahalaang panlalawigan ay pawang walang nakalagay na panukalang budget sa ilalim ng Capital Outlay o pambili ng anumang kagamitan sa opisina gaya ng kompyuter at printer, mga makinarya at sasakyan para sa mga serisyong pangkalusugan, disaster operation and management, at iba pa.

Sa halip, ang mga nasabing kagamitan ay pawang panukalang kuhanin sa naturang P4-bilyon na uutangin nga sa DBP.

Pahayag ni Board Member Jhoanna Corona-Villamor, hindi umano kara-karaka nakalusot sa pagdinig ng komite ang lumpsum appropriation dahil hindi nga nakadetalye rito kung anu-anong kagamitan ang paglalaanan ng pondo, halimbawa ay kung ilang ambulansya o mobile clinic ang kakailanganing bilhin gamit ang naturang loan.

Dahil dito, hindi muna tinapos ang pagdinig sa Provincial Finance Committee, sa halip ay muli na lamang anyang tatawagin ang mga kasapi nito kapag handa nang ilahad sa komite ang detalyadong panukalang budget.|- BALIKAS News Network

- Advertisement -
- Advertisement -

More articles

Aboitiz Power Corporation (AboitizPower), one of the country’s largest power producers, has received the highest possible rating from an internationally-recognized group for the efficiency, effectiveness, and conformance to global standards of its internal auditing processes. The Institute of Internal Auditors-Australia...
TAGUIG CITY, Metro Manila — AP Renewables Inc. (APRI), a subsidiary of Aboitiz Power Corporation,  recently signed the Engineering, Procurement, and Construction (EPC) agreements for its 17-megawatt (MW) binary geothermal power plant Tiwi, Albay. APRI awarded the EPC contracts to...
What used to be a remote and virtually uninhabited area in Barangay Rio Tuba, town of Bataraza, in the southernmost tip of the province of Palawan, has evolved into a bustling community of over 17,000 people. The days when there...
- Advertisement -

Latest article

- Advertisement -