27 C
Batangas

Batangas, Or. Mindoro, isinailalim sa state of calamity

Must read

- Advertisement -

By JOENALD MEDINA RAYOS

KAPWA isinailalim na ngayon sa State of Calamity ang mga lalawigan ng Batangas at Oriental Mindoro bunsod ng mga tinamong pinsala ng dalawang lalawigan sa paghagupit ng bagyong #QuintaPH (International name “Molave”) na dumaan mismo sa bahagi ng Verde Island Passage.

Sa lalawigan ng Batangas, mahigit isang bilyong pisong halaga ng ari-arian sa sektor ng agrikultura, pangisdaan, at imprastraktura ang sinalanta ng naturang bagyo na nag-iwan ng daan-daang kabahayan na totally at partially damaged at mga pagawaimbayan na winasak ng malakas na hangin at hampas ng naglalakihang daluyong o storm surge.

Sa sesyon ng Sangguniang Panlalawigan ng Batangas noong Miyerkules, Oktubre 28, pinagtibay ng kapulungan ang Resolution No. 855 na nagsasailalim sa buong lalawigan ng Batangas sa State of Calamity upang agarang matugunan ang relief and rehabilitation ng mga nasalanta ng bagyong #QuintaPH.

Isinasaad sa naturang resolusyon na batay sa umiiral na Memorandum Order No. 60 series of 2019 o mas kilala bilang Revised Guidelines for the Declaration of State of Calamity, maaaring magdeklara ng state of calamity sa isang lalawigan kung ang 30% man lamang ng lalawigan ay napatunayang apektado ng kalamidad.

Nauna rito, nagdeklara na ng state of calamity ang Lungsod ng Batangas kasunod ng matinding paghagupit ng bagyo sa mga baybaying barangay ng Dela Paz Proper, Dela Paz Pulot Aplaya, Talahib Pandayan at sa buong Isla Verde.

Samantala, sa Lalawigan ng Oriental Mindoro, hiniling ni Gob. Humerlito ‘Bonz’ Dolor sa Sangguniang Panlalawigan na ideklara ang state of calamity sa lalawigan bunsod ng may mahigit pang P1-bilyong halaga ng pinsala sa agrikultura rito.

Kinabukasan, iniulat ni Vice Governor Antonio Perez na bilang sagot sa kahilingan ng gobernador, pinagtibay ng SP ang isang resolusyon para sa deklarasyon ng state of calamity. Ayon sa ulat ng  Provincial Disaster Risk Reduction and Management Office, isa ang namatay samantalang mahigit 9,000 kababayan naman ang nanatili sa 111 evacuation centers ng lalawigan.

Sa ulat naman ng Department of Agriculture (DA), umaabot na sa mahigit ₱401.73 milyong halaga ng pinsala sa agrikultura sa llocos Region, Calabarzon, Bicol Region at Western Visayas. Mula sa mga lugar na ito, aabot sa 16,531 magsasaka ang naapektuhan gayundin ang may 20,568 metriko toneladang pananim gaya ng palay, high-value crops, pangisdaan at hayupan sa may 14,252 ektaryang agrikultural.| – BNN, MIMAROPA News Network

- Advertisement -
- Advertisement -

More articles

INIANUNSYO na ng ilang lokal na pamahalaan sa Lalawigan ng Batangas ang pagkansela ng klase bukas sa ilang lungsod at bayan dito. Sa Batangas City suspendido ang klase sa lahat ng antas sa lahat ng pampubliko at pribadong paaralan dahil...
PINANGUNAHAN ni Pangulong Ferdinand R. Marcos Jr. Ang pagdiriwang ng ika-160 anibersaryo ng kapanganakan ni Gat Apolinario Mabini sa Mabini Shrine Brgy. Talaga, Tanauan City Batangas.  Bilang pagpupugay ay nag-alay  ng bulaklak ang Pangulo upang kilalanin ang natatanging kontribusyon ni...
“Ang West Philippine Sea ay hindi isang kathang-isip natin lamang. Ito ay atin. At ito ay mananatiling atin, hangga’t nag-aalab ang diwa ng ating mahal na bansang Pilipinas,” President Marcos said in his third State of the Nation Address...
- Advertisement -

Latest article

- Advertisement -