27.3 C
Batangas

Cuenca Hospital, isasara ng 3 araw dahil sa CoVid-19

Must read

- Advertisement -

By JOENALD MEDINA RAYOS

CUENCA, Batangas – PANSAMANTALA munang isasara sa loob ng tatlong (3) araw ang Martin Marasigan District Hospital sa bayang ito dahil sa CoVid-19 pandemic.

Sa pamamagitan ng isang patalastas sa social media page ng ospital, inianunsyo na ang pansamantalang pagsasara ng ospital ay upang bigyang-daan ang isasagawang disinfection activity ng buong pasilidad matapos magpositibo sa corona virus disease 2019 (CoVid-19) ang isang empleyado rito.

“Ang nabanggit na empleyado ay hindi residente ng Cuenca,” dagdag pa sa anunsyo. Sa halos kasabay namang anunsyo ni Mayor Edilberto Ponggos ng katabing-bayan ng Alitagtag, sinabi nito na isang lalaking 21-anyos mula sa barangay Concordia sa nasabing bayan ang nag-positibo sa CoVid-19. Ang pang-5 confirmed case na ito ng Alitagtag ay isang frontliner sa isang pampublikong ospital.

Nito lamang nakaraang Linggo, Hunyo 14, inianunsyo rin ng Martin Marasigan District Hospital na isasara nito an gang Out-Patient Department matapos mag-positibo sa CoVid-19 ang dalawang pasyente na nagpakonsulta rito kung kaya’t kinailangang isailalam sa quarantine ang may 15 empleyado ng ospital na na-exposed sa nasabing mga pasyente.

Ngayong araw ng Miyerkules, muling binuksan ang OPD matapos matanggap ang resulta ng 15 tests na pawang nag-negatibo sa CoVid-19.

Kasunod nito ay hiniling na rin ng iba pang empleyado na isailalim sila sa RT-PCR test, at dito nga nakumpirma ang pagpositibo ng isang empleyado.

Muli namang magbubukas ang ospital matapos na maisagawa ang disinfection process.| – BALIKAS News Network

- Advertisement -
- Advertisement -

More articles

SM Foundation Inc. (SMFI) in partnership with Department of Agriculture, DSWD, TESDA and DTI recently launched the Kabalikat sa Kabuhayan (KSK) Farmer’s Market Day at SM City Lipa. Kabalikat sa Kabuhayan Farmer’s Market Day is an effort to assist farmers...
HANDANG gampanan ni incoming President Ferdinand "Bongbong" Marcos ang pagiging kalihim ng Kagawaran ng Agrikultura upang siguraduhin na matutugunan ang kakulangan ng pagkain sa bansa. Ang hakbang ay ginawa ni Marcos upang mapigilan ang possibleng epekto ng pagkakaroon ng food...
TEN days before President-elect Ferdinand Romualdez Marcos Jr. takes oath and formally assumes office as the 17th president of the Republic, a group of disgruntled jeepney drivers plying the Monumento-Divisoria route gathered at the corner of A. Mabini Street...
- Advertisement -

Latest article

- Advertisement -