26.4 C
Batangas

OCVAS doble higpit laban sa African swine fever

Must read

- Advertisement -

DOBLE ang paghihigpit na ginagawa ng Office of the City Veterinary and Agricultural Services upang hindi mapasok ng African swine fever (ASF) ang livestock industry sa Batangas City sa pamamagitan ng constant monitoring at inspection at pagtuturo sa mga live-stock raisers kung papaano mapana-tiling malusog at ligtas sa anumang sakit ang kanilang alagang baboy.

Ayon kay OCVAS chief Dr. Macario Hornilla, may koordinasyon din ang OCVAS sa Provincial Agriculture para sa implementasyon ng total ban ng pagpapasok ng live animal sa Batangas mula sa ibang probinsya.

Mahigpit na ipinatutupad ng OCVAS ang bio security kung saan may mga itinalagang inspection area sa mga barangay. Dito ay dini-disinfect ang mga papasok at lalabas na mga sasakyan.

Chine-check din ang mga papeles/dokumento kagaya ng veterinary health certificate at iba pa ng mga papasok at lalabas na mga live animals partikular ang mga alagang baboy at maging ang pagpapasok ng mga haulers mula sa ibang lugar.

“Pinaaalalahanan namin ang mga nag-aalaga ng baboy, humahawak o nagtitinda na maging maingat. Sumunod sa mga batas at alituntuning na ipinatutupad ng Department of Agriculture (DOA), kagaya ng regular na paglilinis at pagdi-disinfect ng lugar. Mahigpit ding ipinagbawal ang pagpapakain ng kaning baboy na siyang sinasabing dahilan ng ASF sa bansa,” dagdag pa ni Dr. Hornilla.

Ligtas aniyang kainin ng tao ang karne ng baboy na may ASF. Ganoon pa man ay tiniyak niyang walang ASF ang mga karneng baboy na ibinebenta sa ating pamilihan lalo pa nga’t sa slaughter house ng lungsod kinatay at dumaan sa pagsusuri bago ibenta sa mga palengke.

Sinabi rin ni Dr. Hornilla na napakabilis kumalat o makahawa ng ASF na nakaapekto na sa may 22 bansa. Magtatagal aniya bago muling makabawi ang industriya ng pagbababuyan ang isang probinsyang maapektuhan nito.|

- Advertisement -
- Advertisement -

More articles

INIIMBESTIGAHAN ngayon ng Philippine Coast Guard sa utos ni Commandant CG Admiral Ronnie Gil L Gavan, ang insidente ng banggaan ng isang pampasaherong fastcraft at isang barge sa laot ng Barangay San Agapito, Isla Verde, Batangas City nitong Miyerkules...
HOLD your horses! Corrida de Cavalos Cidade de Calaca once again ignites the interest of horse enthusiasts and devotees of Saint Raphael the Archangel. On March 27, 2024, Holy Wednesday, the city will hold its Festival of Horses at...
THE Subdivision and Housing Developers Association (SHDA) Inc. recently concluded the 2024 Real Estate Developers Golf Cup at the prestigious Wack Wack Golf & Country Club. The tournament, which brought together industry leaders and enthusiasts, witnessed some outstanding performances,...
- Advertisement -

Latest article

- Advertisement -