26.9 C
Batangas

Cash donations para sa Taal Volcano Eruption, umabot na ng P31.6-m

Must read

- Advertisement -

UMABOT na sa Php 31,559.134.05 ang kabuuang cash donations para sa Taal Volcano Eruption Relief and Rehabilitation Program na tinanggap ng Pamahalaang Panlalawigan ng Batangas hanggang noong Biyernes, Enero 31.

Sa nakuhang dokumento mula sa Provincial Treasurerโ€™s Office, pinakamalaking cash donation ang galing sa Office of the President (Socio Civic) na nagkakahala ng P10-milyon, na sinundan naman ng P4-milyon mula kay Manila City mayor Isko Moreno (kasaa na ang P2-milyon mula sa ADP Corp. na pinadaan din sa alkalde).

Nagbigay din ng P2-milyon ang City Government of San Juan, Metro Manila; tig-P1-milyon ang mga Pamahalaang Panlalawigan ng Bulacan, at Tarlac, at ang City Government ng Davao. Kabuuang P2.7-milyon naman ang mula sa mga local government units (LGUs) ng Lalawigan ng Pampanga.

Ilang araw matapos pumutok ang bulkan at magsimulang bumuhos ang mga donasyon, nagsimula na ring bumuhos sa social media ang mga agam-agam at maging mga bintang ukol sa pagtanggap at paggastos ng mga nasabing donasyon.

Lalo ring pinalala ng sitwasyon ng mga akusasyon ukol sa umanoโ€™y hindi patas na pagtrato ng mga pamahalaang panlalawigan sa mga bayan at lungsod ukol sa distribusyon ng donasyon o maging ang pag-uulat nito sa publiko. Kabilang na rito ang mga posts ukol sa umanoโ€™y dapat ipamudmod kaagad ang mga cash donations, sa kabila ng umiiral na sitwasyong nasa ilalim pa rin ng Alert Level 3 ang bulkang Taal.

Dahil dito ay pumalag si Batangas Governor Hermilando I. Mandanas sa kaniyang mga kritiko at sinabing ipababatid naman sa publiko ang mga pananalaping ito at gagawin ang pag-uulat sa tamang panahon.

Tinawag din niyang mga angalist ang umanoโ€™y mga kritiko na angal ng angal na hindi nalalaman o ayaw malaman ang sistemang ipinatutupad ukol sa relief and rehabilitation process ng probinsya.

โ€œAng mga ito naman ay hindi na nga nakakatulong ay nakakaperwisyo pa at nagkakalat ng fake news,โ€ pahayag ng gobernador.

Mula sa kabuuang P31.6-milyong cash donations, kalahating milyong piso pa lamang ang nababawas dito ng Provincial Social Welfare and Development Office (PSWDO) noong Enero 27. Wala namang nakalakip na ulat ng PSWDO o hindi malinaw sa ulat ng PTO kung saan partikular na ginamit o gagamitin ang nasabing paunang kalahating milyon na Cash Advance ng PSWDO.| โ€“ Joenald Medina Rayos

- Advertisement -
- Advertisement -

More articles

LIPA City, Batangas โ€“ LIMA Estate, a key player in Southern Luzonโ€™s economicgrowth, has unveiled plans for a transformative 40-hectare expansion of its BIZ HUB, increasing Batangas' first master-planned business district to 70 hectares. This development, which sits within...
THE national government extended to Batangas various forms of aid amounting to over P170-million in a ceremony led by President Fewrdinand R. Marcos Jr., Thursday morning. The figure includes the P100,000 aid distributed by the Department of Social Welfare and...
To bring essential public services closer to the Filipino people, on Monday, July 8, Senator Christopher "Bong" Go, an adopted son of CALABARZON with familial origins in Batangas, personally spearheaded the inauguration of the Super Health Center in Tingloy,...
- Advertisement -

Latest article

- Advertisement -