26.1 C
Batangas

Evacuation Center sa Bauan, gagawin ng District Hospital

Must read

- Advertisement -

By JOENALD MEDINA RAYOS

BAUAN, Batangas – NAKAPASA na sa ikatlo at huling pagbasa ng Sangguniang Panlalawigan ang ordinansang sasaklaw at gagabay sa kumbersyon ng isang evacuation center sa Barangay Aplaya sa bayang ito para maging isang district hospital.

Sa isang regular na sesyon ng Sangguniang Panlalawigan kamakailan, tuwirang kinatigan ng lahat ng dumalo sa naturang pulong ang Ordinansa na magbibigay-daan sa Provincial Engineering Officer (PEO) para masimulang iproseso ang mga kinakailangang plano at disensyo para ma-upgrade ang pasilidad at maiakma ito sa isang provincial health care facility.

Magbibigay-daan din ito sa Provincial Health Office na maihanda ang mga kinakailangang dokumento para sa buggeting requirements para sa mga ilalagay na equipments at manpower para mapatakbo ito bilang isang maayos na health care facility na magsisilbi ring district hospital ng ikalwang distrito ng lalawigan.

Sa eksklusibong panayam ng BALIKAS News, sinabi ni Board Member Arlina B. Magboo na ngayong kasagsagan ng pandemya sa buong mundo, mas nakita ng pamahalaang panlalawigan ang mas mataas na pangangailangan para sa dagdag na pasilidad para makatugon sa mga pangangailangang medikal ng mga mamamayang Batangueño.

Aniya pa, ang kumbersyon ng sinimulang evacuation center para maging Bauan Provincial Healthcare Facility ay titiyak na mas maraming serbisyo publiko ang maibibigay ng lalawigan hindi lamang sa mga nagiging bitima ng mga kalamidad kundi ng serbisyong pangkalusugan, hindi lamang sa mga mamamayan ng Bauan kundi maging sa iba pang bayan sa distrito gaya ng San Pascual, San Luis, Mabini at Tingloy.


Sa pagsisimula ng operasyon ng healthcare facility, maglalaan ang pamahalaang panlalawigan ng P10,500,000.00 para panimulang pondo para sa mga kakailanganing equipments, personnel services at maintenance and other operating expenses (MOOE), samantalang isasama naman ang paglalaan ng taunang budget para rito sa mga susunod na General Fund Annual Budget ng probinsya.| – BNN   

- Advertisement -
- Advertisement -

More articles

Aboitiz Power Corporation (AboitizPower), one of the country’s largest power producers, has received the highest possible rating from an internationally-recognized group for the efficiency, effectiveness, and conformance to global standards of its internal auditing processes. The Institute of Internal Auditors-Australia...
TAGUIG CITY, Metro Manila — AP Renewables Inc. (APRI), a subsidiary of Aboitiz Power Corporation,  recently signed the Engineering, Procurement, and Construction (EPC) agreements for its 17-megawatt (MW) binary geothermal power plant Tiwi, Albay. APRI awarded the EPC contracts to...
What used to be a remote and virtually uninhabited area in Barangay Rio Tuba, town of Bataraza, in the southernmost tip of the province of Palawan, has evolved into a bustling community of over 17,000 people. The days when there...
- Advertisement -

Latest article

- Advertisement -