29.5 C
Batangas

Hybrid native chicken ipinamahagi ng OCVAS sa 526 benepisyaryo

Must read

- Advertisement -

MAY 526 benepisyaryo ng Hybrid Native Chicken Dispersal Project ng Office of the City Veterinary and Agricultural Services (OCVAS) ang tumanggap ng tig limang manok na aalagaan, March 28, sa nasabing tanggapan.

Ang mga manok na ito ay Sunshine chicken na isang uri ng upgraded native chicken na malalaki ang lahi at nagbibigay din ng mas malalaking itlog kumpara sa mga karaniwang native chicken. Maalwan itong alagaan dahil pwedeng paligaw lamang sa bakuran kapag mahigit isang buwan na. Sa unang 0-21 araw, ang sisiw nito ay dapat nakakulong muna.

Ayon kay Dra. Loyola Bagui, assistant head ng OCVAS, ang hybrid native chicken na ito ay madaling pakainin o masasabing “matakaw” na breed ng manok, kung saan sa umpisa ay patutukain muna ng chicks booster, chicken starter at kalaunan ay pwedeng patukain ng mga organic na pagkain kagaya ng mais, mga ginayat na gulay at iba pa.

Layunin ng OCVAS na tumaas ang kalidad ng mga native chicken sa lungsod kung kaya’t hinihikayat ang ang mga benepisyaryo na mapalahian ang mga native chicken nila upang dumami ang mga malalaking lahi ng manok at mga itlog na palilimliman.

Tinuruan ng hepe ng OCVAS na si Dr. Macario Hornila ang mga benepisyaryo sa tamang paraan ng pag-aalaga ng hybrid native chicken upang magtagumpay ang proyekto.

Ang mga benepisyaryo ay tinukoy sa pakikipag-ugnayan sa mga opisyal ng mga barangay, barangay livestock and agriculture technicians at livestock and poultry raisers association.|
PIO Batangas City

- Advertisement -
- Advertisement -

More articles

Cavite-based small enterprises Absmush Mushroom and Project Beans Trading receivedHalal Certification from the Malaysian Halal Consultation and Training Agency –International Halal Integrity Alliance (MHCTA-IHIA) for Halal Standards. Executive DirectorProf. Dr. Rafek Saleh of the MHCTA-IHIA and Director/Consultant Dr. Jane...
CALAMBA City, Laguna - A quadripartite Memorandum of Agreement among the Department of Environment and Natural Resources CALABARZON Region, Tribal Council Association of Puray Inc. (TCAPI), Bamboo Professionals Inc. (BPI), and Rotary District Club 3780 for the adoption of...
Aboitiz Power Corporation (AboitizPower) is strengthening its bid to grow its RE portfolio in the next decade with plans to build a binary plant in Tiwi, Albay. Through its subsidiary AP Renewables, Inc. (APRI), the company is set to construct...
- Advertisement -

Latest article

- Advertisement -