KAPITOLYO, Batangas – BIGO ang mga kawani ng pamahalaang panlalawigan ng Batangas na makatanggap ng extra bonus ngayong Kapaskuhan, samantalang nagpipista naman ang mga kawani ng ilang pambansang ahensya at kagawaran.
Sa isinagawang pagdinig ng Committee on Human Resource ng Sangguniang Panlalawigan, sinabi ni 1st District Board Member Carlo Roman Rosales, Jr., tagpangulo ng komite, na walang aasahang extra bonus sapagat walang matibay na batayan ang pamahalaang panlalawigan para ipagkaloob ito.
Ilan umano sa mga pinagbabatayan sa pagkakaloob ng extra bonus ng mga nasa local government units (LGUs) ay ang pagtanggap ng konsernadorng LGU ng Seal of Good Local Governance (SGLG), pagkakaroon ng union ng mga kawani at ang panuntunan o circular ng Deparment of Budget and Management (DBM).
Para sa taong 2018, dalawang lalawigan lamangs a CALABARZON ang nakapasok sa nasabing awards at ito ay ang Laguna at Quezon. Sa Lalawigan ng Batangas, tanging ang Lungsod ng Tanauan at ang mga bayan ng bauan at Taal lamang ang tumanggap ng SGLG Awards.
Bagaman at nakapasa ang pamahalaang panlalawigan ng Batangas sa Seal of Good Local Financial Housekeeping (SGLFH) na isang component ng SGLG, hindi pa rin ito umabot sa itinakdang pamantayan sa takdang panahon kaya hindi nito nakuha ang SGLG awards.
Bukod dito, wala ring organisadong unyon ang mga kawani ng kapitolyo. Ang isang union ng mga mangaggawa ay binubuo upang isulong ang pagtiyak na ma-exercise nila ang kanilang mga karapatan at matanggap ang mga pribilehiyo bilang mga kawani. Ani Bokal Rosales, hindi anman magandang tingnan na kaya lanag magbubuo ng isang union ang mga taga kapitolyo ay para lamang makakuha ng extra bonus.
Sinabi rin ni 5th District Board Member Ma. Claudette U. Ambida-Alday na wala namang ipinalabas na circular ang DBM kaya wala ring magiging sapat na batayan para magbigay ng extra bonus ang kapitolyo sa mga kawani nito.|#BALIKAS_News
